ސައުތުގެ މަޝްހޫރު ތަރި ވިޖޭ ދެވަރަކޮންޑާގެ ފުރަތަމަ ހިންދީ ފިލްމު "ލައިގާ" ޑިޒްނީ ޕްލަސް ހޮޓްސްޓާ އިން ޕްރީމިއާކޮށްފި އެވެ.
އުންމީދު ކުރިވަރަށް ވުރެ ފިނި ތަރުހީބެއް ލިބިގެން ދިއަ މި ފިލްމް ގައި ވިޖޭ އާއި އެކުގައި ބަތަލާއެއްގެ ގޮތުގައި ފެނިގެންދިއައީ ޒުވާން ބަތަލާ އަނަންނިޔާ ޕަންޑޭއެވެ.
އޮގަސްޓް މަހުގެ 25 ގައި ރިލީޒްކުރި ފިލްމު ޑިޒްނީ ޕްލަސް ހޮޓްސްޓާ އިން މިހާރު ބަލައިލެވޭނެ ވާހަކަ ޑިޒްނީ ޕްލަސް ހޮޓްސްޓާ އިން ސޯޝަލް މީޑިއާގައި ވެސް ވަނީ ހިއްސާކޮށްފައިވެ އެވެ.
މި ފިލްމަކީ ބޮކްސިންގެ ކުރިމަތިލުން ތަކެއްގެ އިތުރުން ރޮމޭންސް ވެސް ފެނިގެންދާނެ ސްޕޯޓްސް ޑްރާމާއެކެވެ. ޑައިރެކްޓަރ ޕޫރީ ޖަގަންނަދުގެ މި ފިލްމަކީ ކަރަން ޖޯހަރު ކޯ ޕްރޮޑިއުސްކުރި ފިލްމްއެކެވެ. އަދި މި ފިލްމުގައި ވިޖޭ ފެންނާނީ ބޮކްސިން ތަޅާ މީހެއްގެ ރޯލުންނެވެ.
މި ފިލްމު ހިންދީ ބަހުގެ އިތުރުން ޓެލެގޫ، ތަމަޅަ، މަލަޔާލަމްގެ އިތުރުން ކަންނަޑާ ބަހުންވެސް ވަނީ ރިލިޒް ކޮށްފައިއެވެ.
ކޮމެންޓު ފޮނުވާ