ރަންބީރު ކަޕޫރުގެ ކިބައިން ފެންނަ އެންމެ ހާއްސަ އެއް ސިފައަކީ ބަސްމަދުކަން ކަމަށް އާލިއާ ބަޓް ބުނެފިއެވެ.
"ބޮލީވުޑް ބަބުލް" އަށް ދިން އިންޓަވިއުއެއްގައި ރަންބީރަށް ވަރަށް ބޮޑަށް ތައުރީފް ކުރަމުން އާލިއާ ބުނީ ރަންބީރަކީ މަޑުމައިތިރި، ވަރަށް ރަނގަޅު މީހެއް ކަމަށެވެ. އަދި އޭނާ އަކީ ދައްކާ ވާހަކަ ވަރަށް ރަނގަޅަށް އަޑުއަހާ މީހެއް ކަމަށް ވެސް ވަނީ ބުނެފައެވެ.
މިއާއި ވިދިގެން އާލިއާ ބުނީ ކައިވެނިކުރި ފަހުން އޭނާ ތަހައްމަލުކުރަން ޖެހޭ އެންމެ އުނދަގޫ ކަމަކީވެސް ރަންބީރުގެ ބަސްމަދުކަން ކަމަށެވެ.
View this post on Instagram
މި އިންޓަވިއުގައި ވާހަކަ ދައްކަމުން ރަންބީރު ބުނީ އާލިއާ ނިދާފައި އޮންނަނީ އެނދު ހުރަހަށް ކަމަށާއި ނިދި ގަދަވާ ވަރަކަށް އެނދުން ހިފާ ޖާގަ ބޮޑުވަމުން ދާކަމަށެވެ. އެހެންވެ އެދުން ތަންކޮޅެއް ހޯދުމަކީ އެންމެ އުދަގޫ އެއްކަންތައް ކަމަށް އޭނާ ވަނީ ބުނެފައިއެވެ.
ރަންބީރާއި އާލިއާ ކައިވެނި ކުރީ މިއަހަރުގެ އެޕްރިލް މަހުގެ 14 ވަނަ ދުވަހުއެވެ. އަދި އެދެމީހުންނަށް ވަރަށް އަވަހަށް ދަރިއަކު ލިބޭނެއެވެ. އާލިއާ މިހާރު ގުނަމުން ދަނީ އޭނާގެ 3 ވަނަ ޓްރިމެސްޓާއެވެ.
އެންމެ ފަހުން ދެތަރިންވެސް ފެނިގެން ގޮސްފައިވަނީ ބޮލީވުޑްގައި އެތައް ރެކޯޑެއް މުގުރަމުން އަންނަ ކާމިޔާބު ފިލްމު "ބްރައްމަސްތުރާ" އިންނެވެ.
