އިސްލާމީ މަރުކަޒަށް ބޮޑުކަމުދިޔަ އިންޑިޔާ މީހާ ދޫކޮށްލައިފިއެވެ.
ހުކުރު ދުވަހުގެ ރޭގެ ވަގުތެއްގައި އިންޑިއާ ފިރިހެނަކު އިސްލާމީ މަރުކަޒުގެ ގޯތިތެރެއަށް ވަނީ ބޮޑުކަމު ގޮސްފައެވެ. އެ މައްސަލައިގައި ހައްޔަރުކޮށްފައި ވަނީ ރިސޯޓެއްގައި މަސައްކަތް ކުރަމުން އަންނަ އުމުރުން 52 އަހަރުގެ އިންޑިއާ ފިރިހެނެކެވެ.
އޭނާގެ ބަންދާއި މެދު ގޮތެއް ނިންމުމަށް އިއްޔެ ކޯޓަށް ހާޒިރުކޮށްފައިވާއިރު، ކޯޓުން އޭނާގެ ބަންދަށް ޖަހާފައި ވަނީ އެންމެ ދުވަހަކެވެ. މުއްދަތު ހަމަވުމުން މިއަދު އޭނާ ދޫކޮށްލާފައިވާކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.
އޭނާއަކީ ރިސޯޓެއްގައި މަސައްކަތް ކުރާ މުވައްޒަފެެކެވެ. އަދި އޭނާ މާލެއަށް އައިސްފައި ވަނީ މާލޭގައި އޮތް ރޭގަނޑުގެ ކެއުމަކަށް ކަމަށް އޭނާ ބުނެފައި ވެއެވެ. އަދި ފުލުހުންގެ ފަރާތުން އޭނާއަކީ ސައްހަ ވިސާއެއްގައި އުޅޭ ފަރާތެއްކަން ކަށަވަރު ކޮށްފައިވާއިރު، އޭނާ މަސައްކަތް ކުރަނީ ރިސޯޓެއްގައިކަން ވަނީ ކަށަވަރުކޮށްފައެވެ.
މިސްކިތުގެ ހުރުމަތް ކެނޑި މައްސަލައެއްގައި މީގެ ކުރިން ވެސް ބައެއް މީހުން ހައްޔަރުކޮށް ބައެއް މީހުންނަށް ދައުވާ ކޮށްފައި ވެއެވެ.
