1984ގައި ރިލީޒްކުރި "ޖަވާނީ" އިން ބޮލީވުޑަށް ތާއަރަފްވި ބަތަލާ ނީލަމް ކޮޓާރީ 21 އަހަރުގެ މެދުކެނޑުމަކަށް ފަހުގައި އަލުން އެކްޓު ކުރުމަށް ތައްޔާރ ވަމުން އަންނަ އިރު ހުރީ ވަރަށް ބިރުން ކަމަށް އޭނާ ބުނެފިއެވެ.
އަލުން އެކްޓު ކުރުމަށް ތައްޔާރު ވަމުން އަންނަ ކަމަށާއި ޕްރޮޖެކްޓަކަށް ސޮއި ކޮށްފައިވާކަން ނީލަމް ހާމަކޮށްފައިވަނީ ނެޓްފްލިކްސް އިން ގެެނސްދޭ "ފެބިއުލަސް ލައިފްސް އޮފް ބޮލީވުޑް ވައިވްސް" ގެ އެޕިސޯޑެއްގައެވެ. ކަރަން ޖޯހަރްގެ ދަރުމާ ޕްރޮޑަކްޝަންގެ މި އުފެއްދުމަކީ ބޮލީވުޑްގެ ހަތަރު އެކްޓަރެއްގެ އަންހެނުންގެ ދިރިއުޅުން ދައްކުވައިދޭ ޝޯއެކެވެ.
View this post on Instagram
އެކްޓް ކުރުމާއި ދުރުގައި ހުރި ނީލަމްގެ އެކްޓިން ހުނަރު ދައްކާލަން އޭނާ މިހާރު ސޮއިކޮށްފައިވަނީ ވެބް ސީރީޒަކަށެވެ. 52 އަހަރުގެ ބަތަލާ ސޮއިކޮށްފައި ވަނީ އެމޭޒަން ޕްރައިމް ވީޑިއޯގެ ސީރީޒް "މޭޑް އިން ހެވެން" ގެ ދެވަނަ ސީޒަނަށެވެ. މިއީ ޑައިރެކްޓަރުން ކަމަށްވާ ޒޯޔާ އަޚްތަރާއި ރީމާ ކަތުގީ އިސްކޮށް ތިބެގެން ގެނެސްދިން ވަރަށް ކާމިޔާބު ސީރީޒެކެވެ.
1980 އާއި 1990 ގެ ކުރީކޮޅު ބެލުންތެރިންގެ ވަރަށް ބޮޑު މަޤުބޫލުކަން ހޯދި ބަތަލާ ނީލަމް އެންމެ ފަހުން ފެނިގެން ދިއައީ 2001 ވަނަ އަހަރު ރިލީޒްކުރި "ކަސަމް"އިންނެވެ.
