ބޮލީވުޑްގެ ގިނަ ފިލްމުތަކަށް ފާޑުކިޔައި ފިލްމުތައް ބޮއިކޮޓް ކުރަން ގޮވާލާ ދުވަސްވަރެއްގައި ފިލްމު "ބްރައްމަސްތުރާ" ހޯދި ބޮޑު ކާމިޔާބީއާއި އެކުގައި ފިލްމުގެ ދެވަނަ ބައިގެ މަސައްކަތް ވަރަށް އަވަހަށް ފަށާނެ ކަަމަށް ޑައިރެކްޓަރު އަޔާން މުކަރްޖީ ބުނެފިއެވެ.
ގިނަ ރެކޯޑްތަކެއް "ބްރައްމަސްތުރާ" މުގުރާލައިފައި ވާއިރު އެ ފިލްްމު ހިމެނިގެން ގޮސްފައި ވަނީ 3 ދުވަހުގެ ތެރޭގައި 100 ކަރޯޑްގެ ކްލަބަށް ވަތް 7 ވަނަ ފިލްމަށެވެ.
ލީޑުރޯލުން އާލިއާ ބަޓާއި ރަންބީރު ކަޕުރޫ ފެނިގެންދާ މި ފިލްމަކީ ދެތަރިން އެކުގައި ކުޅުނު އަލަތު ފިލްމެވެ. އޭގެ އިތުރުން ފިލްމުން އަމިތާބް ބައްޗަން، މޯނީ ރޯއި، ނާގަ އަރުޖުނާ އަކިނޭނީ، ޑިމްޕަލް ކަޕާޑީއާ ފެނިގެން ދެއެވެ. އަދި ހާއްސަ ފެނިލުމަކުން ޝާހްރުކް ޚާން ވެސް ވަނީ ފެނިގެން ގޮސްފައެވެ.
View this post on Instagram
"’ބްރައްމަސްތުރާ"ގެ ތިން ބައެއް ގެނެސްދޭން ނިންމާފައި ވާއިރު ސްކްރިޕްޓުގެ މަސައްކަތް ގާތްގަނޑަކަށް ވަނީ ނިމިފައެވެ. ދެވަނަ ބައިގެ މަސައްކަތް ފެށުމުގެ ކުރިން އަޔާން ބްރޭކެއް ނަގަން ބޭނުންވިޔަސް ޕްރޮޑިއުސަރު ކަރަން ޖޯހަރު ބޭނުންވަނީ ދެވަނަ ބައިގެ މަސައްކަތް އަވަހަށް ފަށާށެވެ. "ބްރައްމަސްތުރާ"ގެ ދެވަނަ ބައިގެ މަސައްކަތް މި އަހަރު ނިމުމުގެ ކުރިން ނުވަތަ އަންނަ އަހަރުގެ ކުރީކޮޅު ފަށާނެ ކަމަށް ޚަބަރުތައް ބުނެއެވެ.
ވިޝުއަލް އިފެކްޓްސް ގިނަ މި ފިލްމަށް ބޮކްސް އޮފީހުގައި އެކަށީގެންވާ ތަރުހީބެއް ލިބެމުންދާއިރު ފިލްމުގެ ޖުމްލަ އާމްދަނީ ވަނީ 225 ކްރޯޑު ހުރަސްކޮށްފައެވެ. މި ފިލްމަކީ މިހާތަނަށް ބޮލީވުޑްގައި ހެދި އެންމެ އަގުބޮޑު ފިލްމެވެ. ފިލްމަކީ 400 ކްރޯޑް ރުޕީސްގެ ބަޖެޓަކުން އުފެއްދި ފިލްމެކެވެ. "ބުރައްމަސްތުރާ" އަށް ބޮޑު ކާމިޔާބީއެއް ލިބެމުން ދިއުމުގެ މައިގަނޑު ސަބަބަކީ މީގެ ޕްލޮޓް ރަނގަޅުވެފައި، މީގައި އިންޑިއާގެ ފިލްމަކުން ކުރިން ފެނިފައި ނުވާ ފަދަ މޮޅު ވީއެފްއެކްސް ފެނުން ކަމަށް އިންޑިއާގެ ނޫސްތަކުން ބުނެއެވެ.
