ބޮލީވުޑްގެ ޒުވާން ދެ ތަރިން ކަމުގައިވާ އަރުޖުން ކަޕޫރާއި ބޫމީ ޕަޑްނޭކަރް އެކުގައި ކުޅޭ ދެވަނަ ފިލްމު އިއުލާން ކޮށްފިއެވެ.
އެ ދެތަރިން ވަނީ "ދަ ލޭޑީކިލާ" ގައި ވެސް މަސައްކަތް ކޮށްފައެވެ. އެއީ އަންނަ މަހުގެ 10 ގައި ރިލީޒްކުރަން އޮތް ފިލްމެކެވެ.
ފިލްމާއި ބެހޭގޮތުން އަދި މާގިނަ މައުލޫމާތެއް ހިއްސާއެއް ނުކުރެއެވެ. ފިލްމުގެ ލީޑުން ބޫމީ އާއި އަރްޖުން ފެނިގެންދާނެ މި ފިލްމުގެ ނަމެއް ވެސް އަދި ހާމައެއް ނުކުރެއެވެ.
މި ދެތަރިން ފިލްމުގެ ޝޫޓިންގ ފަށާނީ ލަންޑަންގައެވެ. މި ޝޫޓިން 1 މަސް ދުވަހަށް ވަނީ ޝެޑިއުލް ކޮށްފައެވެ. މީގެ އިތުރުން އިންޑިއާގެ އެކި ސިޓީ ތަކުގައި ވެސް ފިލްމުގެ ޝޫޓިންގ ކުރިއަށް ދާނެއެވެ.
ރިޕޯޓްތައް ބުނާ ގޮތުގައި އެ ފިލްމަކީ މުދައްސަރު އަޒީޒް ޑައިރެކްޓްކުރާ ފިލްމެކެވެ. އިތުރު އެއްވެސް ތަފްސީލެއް ފިލްމާއި ގުޅޭގޮތުން އަދި ހާމައެއް ނުކުރެއެވެ.
އަރުޖުން އެންމެ ފަހުން ފެނިގެން ދިއައީ "އެކް ވިލަން ރިޓާންސް" އިންނެވެ. އަނެއް ކޮޅުން ބޫމީގެ އެންމެ ފަހުގެ ފިލްމް އަކީ "ރަކްޝާ ބަންދަން" އެވެ.
ކޮމެންޓު ފޮނުވާ