2018 ވަނަ އަހަރުގެ ނޮވެމްބަރު މަހުގެ 14 ވަނަ ދުވަހު ކައިވެނި ކުރި، ބޮލީވުޑްގެ މެދު އުޑުގައި ފިޔަ ޖަހަމުން އަންނަ ދެ ތަރިން ކަމުގައިވާ ރަންވީރު ސިންގް އާއި ދީޕިކާ ޕަޑުކޯން ކައިވެނީގެ 4 އަހަރު ކުރިން އެންގޭޖް ވިކަމަށް ރިޕޯޓްތައް ބުނެފިއެވެ.
ދީޕިކާ އާއި ރަންވީރު ލޯބީގެ ގޮތުން ގުޅުނީ 2012 ވަނަ އަހަރުއެވެ. އެދެތަރިން އޭރުގައި މަސައްކަތް ކުރި ފިލްމު "ރާމް ލީލާ" ގެ ސެޓުން ބައްދަލުވެ އެމީހުން ރައްޓެހިވީއެވެ.
އޭގެ ކުރިން ދީޕިކާ ލޯބީގެ ގޮތުން ގުޅިގެން އުޅުނީ ރަންބީރު ކަޕޫރާއެވެ. އެދެތަރިން ލޯބީގެ ގޮތުން ގުޅުނީ އެކުގައި ކުޅުނު ފިލްމް " ބަޗްނާ އޭ ހަސީނޯ" ކުޅުނު ދުވަސް ވަރުއެވެ. އަދި އެދެތަރިންގެ ލޯބީގެ ވާހަކައަކީ އެންމެ ދަންނަ ވަރަށް ހާމަކަން ބޮޑު ގޮތެއްގައި ކުރިއަށް ދިއަ ގުޅުމެކެވެ.
ނަމަވެސް އެގުޅުން މާގިނަ ދުވަހު ދެމިއެއް ނޯތެވެ. އެގުޅުމުގައި ރަންބީރު ބޭވަފާ ވުމުން ކައިވެންޏަކާއި ހަމައަށް ނުގޮސް ނިމުނީއެވެ.
ރަންވީރު ސިންގް އާއި ދީިޕިކާ ކައިވެނި ކުރުމުގެ 4 އަހަރު ކުރިން އެންގޭޖް ވީ ވާހަކަ އަކީ މިހާތަނަށް އަދި އެކަކަށްވެސް ނޭނގި އޮތް ކަމެކެވެ. ވަރަށް ލޯބި ޖޯޑެއްގެ ގޮތުގައި ސިފަ ކުރާ މި ދެމަފިރިން އެކުގައި ވަނީ ދެތިން ފިލްމެއް ވެސް ކުޅެފައެވެ. އަދި އެކުގައި ކުޅުނު ގިނަ ފިލްމު ތަކަކީ ބޮކްސް އޮފީހުގައި ވަރަށް ކާމިޔާބު ފިލްްމު ތަކެއް ވެސް މެއެވެ.
