ސުކޭޝް ޗަންދުރަޝޭކަރު ކިޔާ ނުފޫޒުު ގަދަ މީހަކާ ހާއްސަ ގުޅުމެއް އުފެދި، މަނީ ލޯންޑަރިންގެ މައްސަލަގަނޑެއްގެ ތެރެއަށް ވެއްޓި، އެކަމުގެ ތުހުމަތުގައި ފުލުހުން ސުވާލު ކޮށްފައިވާ ބޮލީވުޑްގެ ބަތަލާ ޖެކޮލިން ފެނާންޑޭޒްގެ މައްޗަށް ކުރާ މި ތުހުމަތު ތަކުގައި ބެދިފައިވާ އަނެއް ތަރިއަކީ ނޯރާ ފަތޭހީއެވެ.
ފުލުހުން ބުނާގޮތުގައި ސުކޭޝް އާއި ނޯރާއާ ދެމެދުގައި ވެސް ހާއްސަ ގުޅުމެއް އުފެދި ސުކޭޝްގެ އަތުން ނޯރާއަށް އަގުބޮޑެތި ހަދިޔާތަކެއް ލިބުމުން ފުލުހުން ނޯރާއާއި ސުވާލު ކުރާ މިއީ ދެވަނަ ފަހަރެވެ. ފުލުހުން ނޯރާ އާއި ސުވާލު ކުރަނީ ސުކޭޝްއާ ގުޅުން ހުރި 200 ކްރޯޑު ރުޕީސްގެ މައްސަލައަކާ ގުޅިގެންނެވެ.
View this post on Instagram
ހޮނިހިރު ދުވަހު ނޯރާ ދިއްލީ ފުލުހަށް ހާޒިރުކޮށް 4 ގަޑިއިރުވަން ދެން ވަނީ ސުވާލު ކޮށްފައެވެ. މިވަގުތު ނޯރާ އަންނަނީ ރިއަލިޓީ ޝޯ "ޖަލަކް ދިކް ލާޖާ"ގެ ޖަޖެއްގެ ގޮތުގައި މަސައްކަތް ކުރަމުންނެވެ.
View this post on Instagram
ސުކޭޝްގެ މައްސަލަގަނޑުގެ ތެރެއިން ފާހަގަވި، އަގުބޮޑެތި ހަދިޔާތަކެއް ލިބިފައިވާ ކަމަށް ތުމަތުކުރާ މައްސަލާގައި ނުހައްގުން މުއްސަދިކަން ހޯދާފައި ވާކަމަށް ބުނެ ޖެކޮލިންއާ ވަނީ އިންޑިއާގެ އެންފޯސްމަންޓް ޑިރެކްޓޮރޭޓް (އީޑީ) އިން އެތައް ފަހަރެއްގެ މަތިން، ސުވާލު ކޮށްފައެވެ.
މިދިޔަ އަހަރު ހިލުނު މި މައްސަލަގަނޑުގެ ސަބަބުން އޭނާ ހުރީ ގައުމުން ބޭރަށް ނުދެވޭ ގޮތަށް ޕާާސްޕޯޓް ވެސް ހިފަހައްޓާފައެވެ.
