އިންސާނާ ވޭތުކުރަމުން މިދާ ދުނިޔެވީ ހަޔާތަކީ ހެއްލުންތެރި، ކެހިވެރިތަނެއް ކަމުގައި މިއަދުގެ ހުކުރު ޚުތުބާގައި ވިދާޅުވެއްޖެއެވެ.
"ދުނިޔޭގެ ދަޅަތަކަށް ހެއްލުންތެރި ނުވާށެވެ!" މިމައުޞޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުތުބާގައި ވިދާޅުވެފައިވަނީ، އިންސާނާގެ ހަގީގީ މަންޒިލް މަގުސޫދަކީ އުޚުރަވީ ހަޔާތްކަން އެންމެ ހިނދުކޮޅަކަށްވެސް ހަންދާން ނައްތާލައިގެން ނުވާނެ ކަމަށާއި، އިންސާނާ މި ދުނިޔެއަށް ފޮނުއްވާފައިވަނީ އާޚިރަތުގެ ބާއްޖަވެރިކަން ލިބިގަތުމަށް މަސައްކަތް ކުރުމަށް ކަމަށެވެ.
މި ދުނިޔޭގެ ކުލަވަރުތަކަކީ އަވާ މެންދުރެކެވެ. މި ދުނިޔޭގެ ލައްޒަތާއި އުފަލައި، އަރާމަކީ ދަޅަތަކެއްފަދަ ވަގުތީ އެއްޗެކެވެ.
ހުކުރު ޚުތުބާގައި ވިދާޅުވެފައި ވެއެވެ.
ޚުތުބާގައި އިތުރަށް ވިދާޅުވެފައިވަނީ ދުނިޔޭގައި ދެއްވާ މުދަލާ އަނބި ދަރިންނަކީ އަޅުތަކުން އެކަލާނގެއަށް ކިޔަމްނަތެރިކަން އަދާ ކުރައްވާވަރު ބެއްލެވުމަށްޓަކާ ލައްވަވާފައިވާ އަޖުމަ ބެލުމެއް ކަމުގައާއި، ދުނިޔެ ދެއްވާފައިވަނީ އިމްތިހާނަކަށްޓަކާ ކަމަށެވެ. އަދި މޮޅާއި ދެރަ ލައްވަވާފައި ވަނީ، އެބައި މީހުންކުރާ ހެޔޮ އަމަލުތަކުގެ މިންވަރު ބެއްލެވުމަށް ކަމަށްވެސް ޚުތުބާގައި ބަޔާން ކުރައްވާފައި ވެއެވެ.
ޚުތުބާގައި ބާޔާން ކުރައްވާފައިވަނީ ދުނިޔޭގެ އުފަލާއި އަރާމަކީ ހިނދުކޮޅެއްގެ ކަމެއް ކަމަށާއި، ނިމުމެއްނުވާ ނިއުމަތް ހުރީ އާޚިރަތުގައި ކަމަށެވެ. އަދި މި ބާއްޖަވެރިކަން ހަސިލްވާނީ ދުނިޔޭގެ ކެހިވެރިކަމުގެ ދަލުގައި ނުޖެހި الله އަށް ކިޔަމަންތެރިކަން އަދާކުރާ މީހުންނަށްކަން ހަމަ ކުރައްވަމުން، އުމުރުގެ ދުވަސްތައް ހެޔޮއަމަލު ކުރުމުގައި ހޭދަކުރުމަށާއި، ފާފަތަކާއި ދުރުހެލިވެ، ތައުބާވުންމަތީ ދެމި ތިބުމަށް ޚުތުބާގައި ގޮވާލައްވާފައި ވެއެވެ.
