ސައުތުގެ މަޝްހޫރު އެކްޓަރ ވިޖޭ ދެވަރަކޮންޑާ ބޮލީވުޑަށް ތައާރަފްވާ ފިލްމް "ލައިގާ"ގެ ސީކުއަލްއެއް އުފައްދާނެ ކަމުގެ އިޝާރާތެއް ދީފިއެވެ.
އަންނަ މަހުގެ 25 ގައި ރިލީޒް ކުރުމަށް ތާވަލް ކޮށްފައިވާ ފިލްމުގެ މައިގަޑު ކާސްޓުންނަކީ ވިޖޭ އާއި އަނައްނިޔާ ޕާންޑޭއެވެ.
ޕްރޮމޯޝަންތައް މިހާރު ވަރަށް ބާރަށް ކުރިއަށްދާ މި ފިލްމަކީ ކަރަން ޖޯހަރުގެ ދަރްމާ ޕްރޮޑަކްޝަނުން ގެނެސްދޭ ފިލްމެކެވެ.
މި ފިލްމަކީ ޕޫރީ ޖަގަންނާދު، ޗާރްމޭ ކޯރް އަދި ކަރަން ޖޯހަރް ގުޅިގެން ޕްރޮޑިއުސްކޮށްފައިވާ ފިލްމެކެވެ. ފިލްމުގެ ޑައިރެކްޓަރަކީވެސް ޕޫރީ ޖަގަންނާދެވެ.
މި ފިލްމުގައި ވިޖޭ އާއެކު ކުރީގެ މަޝްހޫރު ބޮކްސިން ޗެމްޕިއަން މައިކް ޓައިސަންވެސް ފެނިގެން ދާނެއެވެ.
Glimpse. That's it. #LigerFirstGlimpse#Ligerhttps://t.co/nJoyeDmZtu
— Vijay Deverakonda (@TheDeverakonda) December 31, 2021
ގިނަ ބަސްތަކަކުން ގެނެސްދޭ މި ފިލްމުގެ ކުރު ޓްރެއިލާއިން ފެނިގެންދަނީ މުމްބައިގެ މަގުތަކުގައި ސައިކައްކަން އުޅުނު މީހެއް ދުނިޔޭގެ ފެންވަރުގެ ބޮކްސިން ތެޅުންތެރިއަކަށްވެ ކާމިޔާބީތައް ހޯދާ މަންޒަރެވެ. އެހެން ކަމުން މި ފިލްމުގައި ވިޖޭ ފެނިގެންދާނީ މީގެ ކުރިން ފެނިފައި ނުވާފަދަ ތަފާތު ގޮތަކަށް، ވަރުގަދަ ރޯލަކުންނެވެ.
"ލައިގާ" އަކީ ކަރަންގެ ދަރުމާއާ އެކު އަނައްނިޔާ މަސައްކަތްކުރާ 3 ވަނަ ފިލްމެވެ. އޭނާ ބޮލީވުޑަށް 2019 ގައި ތަޢާރަފުކުރީ އެ ސްޓޫޑިއޯގެ "ސްޓޫޑަންޓް އޮފް ދި އިޔާ 2″ އިންނެވެ. އަދި އަނައްނިޔާ އަކީ ދަރުމާ އިން މިއަހަރު ފެބްރުއަރީ މަހު ރިލީޒްކުރި ޝަކުން ބަޓްރާގެ "ގެހެރާއިޔާ" ގެ އެއް ބަތަލާއެވެ. މި ފިލްމުގެ ލީޑުގައި އޭނާއާއެކު ދެން ފެނިގެން ދިޔައީ ދީޕިކާ ޕަޑްކޯނާއި ސިދާންތު ޗަތުރުވެދީގެ އިތުރުން ދައިރިއާ ކަރްވާއެވެ.
