ގިނަ ބަޔަކު މިހާރު އިންތިޒާރު ކުރަމުން އަންނަ، ސައުތުގެ މަޝްހޫރު ތަރި ވިޖޭ ދެވަރަކޮންޑާގެ ފުރަތަމަ ހިންދީ ފިލްމު "ލައިގާ"ގެ ޓްރެއިލާ ދައްކާލައިފިއެވެ.
ބޮޑު ފޭން ބޭސް އެއް އޮންނަ ޒުވާން އެކްޓަރ ވިޖޭ އާއެކު މި ފިލްމުން ފެނިގެން ދާނީ ބޮލީވުޑްގެ އަރަމުން އަންނަ ޒުވާން ތަރި އަނައްނިޔާ ޕާންޑޭއެވެ.
މި ފިލްމަކީ ބޮކްސިންގެ ކުރިމަތިލުން ތަކެއްގެ އިތުރުން ރޮމޭންސް ވެސް ފެނިގެންދާނެ ސްޕޯޓްސް ޑްރާމާއެކެވެ.
ޑައިރެކްޓަރ ޕޫރީ ޖަގަންނަދުގެ މި ފިލްމު ރިލީޒްކުރަން ތައްޔާރުވެފައި ވަނީ އަންނަ މަހުގެ 25 ގައެވެ.
ކަރަން ޖޯހަރު ކޯ ޕްރޮޑިއުސްކުރާ މި ފިލްމުގައި ވިޖޭ ފެންނާނީ ބޮކްސިން ތަޅާ މީހެއްގެ ރޯލުންނެވެ.
މި ފިލްމު ހިންދީ ބަހުގެ އިތުރުން ޓެލެގޫ، ތަމަޅަ، މަލަޔާލަމްގެ އިތުރުން ކަންނަޑާ ބަހުން ނެރުމަށް ވަނީ ހަމަޖެހިފައެވެ.
ކޮމެންޓު ފޮނުވާ