ބްރޭކަޕް ތަކުގައި ކަންތައް ކުރާ ގޮތާ ގުޅޭގޮތުން ބޮލީވުޑްގެ ޒުވާން ތަރި އަނައްނިޔާ ޕާންޑޭ ވާހަކަ ދައްކަައިފިއެވެ.
އަނައްނިޔާ އާއި ފިލްމު ކާލީ ޕީލީގައި އެކުގައި ފެނުނު އިޝާނަ ޚައްޓަރު ލޯބީގެ ގޮތުން ގުޅިގެން އިޅޭކަމުގެ އަޑުތަކެއް ފެތުރުމަށް ފަހު އެ ދެތަރިނަ ވަކިވިކަން މިއަހަރު ކުރީކޮޅު މީޑިއާ ތަކުން ރިޕޯޓް ކޮށްފައި ވެއެވެ.
ލަބަކިއުންތެރިޔާ އަރީޖީތު ސިންގްގެ ލަވަތަކަކީ އާންމުގޮތެއްގައި ހިތާމަވެރި ލަވަތަކެވެ. މުޅި ބޮލީވުޑްގައި އޭނާ މަޝްހޫރު ވެފައި ވަނީވެސް އިޝްގީ ހިތާމަވެރި ލަވަތައް ކިޔާ ލަވަކިއުންތެރިއެއްގެ ގޮތުގައެވެ.
އީ ޓައިމްސްއާ ވާހަކަ ދައްކަމުނަ އަނައްނިޔާ ބުނީ އަންމުކޮށް އެހެން މީހުނެކޭ އެއްގޮތަށް އޭނާވެސް ބްރޭކަޕްގެ ހިތާމައިން އަރައިގަތުމަށް އަޑުއަހަނީ އަރީޖީތުގެ ލަވަތައް ކަމަށެވެ. އޭގެ އިތުރަށް ވަރަށް ގިނަ އަދަދަކަށް އައިސް ކްރީމް ކާކަމަށް އޭނާ ވަނީ ބުނެފައެވެ.
އަނައްނިޔާ ބުނީ އޭނާ އަކީ ހިތާމަތައް ހިފަހައްޓައިގެން ހުންނަ މީހެއް ނޫން ކަމަށާއި ހިތާމައެއް ކުރިމަތިވެއްޖެ ނަމަ އެކަން ބޭރުކޮށްލައި އެކަމުން އަރައިގަތުމަށް މިކަން ކަމުން އެހީ ލިބޭ ކަމަށެވެ. އަދި ގިނަވަގުތު ރައްޓެހިންނާ އެކު ހޭދަކުރިމުންވެސް ހިތައް ލުއިކަން ލިބި ހިތާމަައިން އަރައިގަންނަން ފަސޭހަބާކަމަށް އަނައްނިޔާ ބުންޏެވެ.
އަނައްނިޔާ އެންމެފަހުން ފެނިގެން ދިޔައީ ފިލްމު "ގެހެރާއިޔާ" އިންނެވެ. އޭނަަގެ ކުރިއަށް އޮތް ފިލްމަކީ އޯގަސްޓް 26 ގައި އަަޅުވަން ހަމަޖެހިފައިވާ ފިލްމު "ލިގަރ" އެވެ.
