ބޮލީވުޑްގެ އެކްޓްރެސް އާލިއާ ބަޓް ބަނޑުބޮޑުކަން ހާމަކުރުމާއެކު އޭނާއާ ދިމާއަށް މީޑިއާގެ ސަމާލުކަން ވަނީ ހުއްޓިފައެވެ.
އެކްޓަރ ރަންބީރު ކަޕޫރާއި އާލިއާ ބަޓްގެ ކައިވެނި ކުރެވުނީ މިދިއަ އެޕްރިލް މަހުގެ 14 ވަނަ ދުވަހުއެވެ. ކައިވެންޏަށް 2 މަހުގައި އާލިއާ ވަނީ މާބަނޑުކަން ހާމަކޮށްފައެވެ.
މިވަގުތު އާލިއާ ހުރީ ޔޫކޭގައި އޭނާ ހޮލީވުޑްއަށް ތައާރަފްވާ ފިލްމް ގެ ޝޫޓިންގައެވެ. އަދި ރަންބީރު އަންނަނީ ސްޕެއިންގައި ޝްރައްދާ އާއެކު ފިލްމެއްގެ ޝޫޓިންގައި ބިޒީކޮށް ހަރަކާތްތެރިވަމުންނެވެ.
ނަމަވެސް ބިޒީ ޝެޑިއުލުން ވަގުތު ހޯދައިގެން ރަންބީރު ވަނީ މިދޭތެރެއިން ޔޫކޭއަށް އާލިއާ ކައިރިއަށް ގޮސްފައެވެ. ކައިވެންޏަށްފަހު ދެ ތަރިން ވެސް އަންނަނީ ވަރަށް ބިޒީ ކޮށް މަސައްކަތް ކުރަމުންނެވެ.
ޚަބަރުތައް ބުނާގޮތުގައި ރަންބީރު ޝޫޓިން ނިންމާލުމަށްފަހު ދާނީ ޔޫކޭ އަށެވެ. އަދި އޭނާ ގޮސް އެނބުރި ގައުމަށް އަންނާނީ އާލިއާ ގޮވައިގެންނެވެ. ރަންބިރުގެ މި ދަތުރަކީ އާލިއާ ބަލާ ކުރާ ދަތުރެކެެވެ.
ނަމަވެސް މިކަމާގުޅޭގޮތުން މިހާކަތަކަށް އާލިއާ ވަނީ ރައްދު ދީފައެވެ. އޭނާ ބުނެފައިވަނީ އެނާ އަކީ ޕާރުސަލެއް ނޫން ކަމަށާއި، އަންހެނެއް ކަމަށާއި، މީހަކު އޭނާ ބަލައި ދާން ނުޖެހޭނެ ކަމަށެވެ. މިއީ 2022 ކަމަށާއި ކުރީ ޒަމާނުގެ ވިސްނުންތަކުން ދުރުވާން ޖެހޭ ކަމަށް އާލިއާ ބުންޏެވެ.
އާލިއާގެ ހޮލީވުޑް ފިލްމުގެ ޝޫޓިންގ ޖުލައި މަސް ނިމުމުގެ ކުރިން ނިންމާލާނެއެވެ. އަދި ރަންބީރުގެ ޝޫޓިންވެސް އެހާތަނަށް ނިމޭނެކަމަށް ހަބަރުތައް ބުނެއެވެ.
