ރަންބީރު ކަޕޫރު ވަރަށް ތަފާތު ގޮތަކަށް ފެނިގެންދާ ފިލްމް "ޝަމްޝޭރާ"ގެ ލަވައެއް އާންމުކޮށްފިއެވެ.
ޔަޝް ރާޖް ފިލްމްސް އިން ޕްރޮޑިއުސްކުރާ މި ފިލްމު ޑައިރެކްޓް ކޮށްފައި ވަނީ ކަރަން މަލްހޮތުރާއެވެ. "ޝަމްޝޭރާ" އިން ފެނިގެން ދާނީ ރަންބީރުގެ އިތުރުން ވާނީ ކަޕޫރު، ސަންޖޭ ދަތު އަދި ރޯނިތު ރޯއީއެވެ.
މި ފިލްމްގެ ޕްރޮމޯޝަންތައް މިހާރު ވަރަށް ބާރަށް ކުރިއަށް ގެންދާ އިރު، ފިލްމުގެ ލަވަތަކުގެ ތެރެއިން އެންމެ ފުރަތަމަ އާންމުންނަށް ދޫކޮށްލީ "ޖީ ހުޒޫރު" އެވެ.
ލަވަ ކިޔާފައި ވަނީ ޓީވީ ހޯސްޓެއްގެ ގޮތުގައި މަޝްހޫރު އަދިތިޔާ ނަރާޔަންއެވެ. ލަވައިގެ މިއުޒިކާއި ޅެން ހެދީ މިތޫން އެވެ.
ރަންބީރު އަލަށް ޑަބަލް ރޯލަކުން ވެސް ފެންނާނެ "ޝަމްޝޭރާ" އަކީ މިމަހު 22 ވަނަ ދުވަހު ސިނަމާތަކުގައި އަޅުވަން ތައްޔާރުވެފައިވާ ފިލްމެކެވެ. މި ފިލްމު ހިންދީ، ތަމަޅަ އަދި ޓެލެގޫ ބަހުން ބެލުންތެރިންނާ ހަމައަށް ގެނެސްދޭނެއެވެ.
