ބޮލީވުޑްގައި އަރަމުންއަންނަ ބަތަލާ ބޫމީ ޕެޑްނޭކަރް އޭނާގެ ކުރިއަށް އޮތް ފިލްމު "އަފްވާ" ގެ ޝޫޓިންގ ފަށައިފިއެވެ.
މިފިލްމުން ބޫމީ އާއެކުގައި ފެނިގެންދާނީ ނަވާޒުއްދީން ސިއްދީގީއެވެ. ފިލްމާ ބެހޭ ގޮތުން އަދި މާގިނަ މައުލޫމާތު ހިއްސާ ނުކުރިނަމަވެސް ފިލްމުގެ ޝޫޓިންގ މިހާރު ވަނީ ފަށާފައެވެ.
ފިލްމްގެ ޝޫޓިންގ ފަށާފައިވާއިރު ބޫމީ ވަނީ އޭނާގެ އިންސްޓަގްރާމްގައި ރާޖިސްތާނުގައި އެމީހުން ޝޫޓިން ކުރިއަށް ދާކަން ވީޑީއޯއެއް މެދުވެރިކޮށް ހިއްސާކޮށްފައެވެ.
ބޫޝަން ކުމާރުގެ ޓީ-ސީރީޒާއި އަނުބަވް ސިންހާގެ މީޑީއާ ނެޓްވޯކް ގުޅިގެން ހަދާ މި ފިލްމުގެ ޑައިރެކްޓަރަކީ ސުދީރް މިޝްރާއެވެ.
މިފިލްމް ސިނަމާތަކަށް އަންނާނެ ދުވަހެއް އަދި ހާމައެއް ނުކުރެއެވެ.
ކޮމެންޓު ފޮނުވާ