ބޮލީވުޑްގެ ބަތަލާ މަލައިކާ އަރޯރާ ފޮތެއް ލިއުމުގެ މަސައްކަތް ކުރަން ފަށާފައި ވާކަމަށް ޚަބަރުތައް ބުނެފިއެވެ.
މަލައިކާ ލިޔަނީ ނިއުޓްރިޝަނާ ގުޅޭ ފޮތެކެވެ. މަލައިކާއަކީ އޭނާގެ ދިރިއުޅުމުގައިވެސް ސިއްހަތާއި ގުޅުން ހުރި ގިނަ ކަންކަމަށް އިރުޝާދު ދީ އެކަންކަން ފޮލޯ ކުރާ ބަތާލާއެކެވެ.
މަލައިކާ ވަނީ ކޯވިޑްގެ ލޮކް ޑައުންގެ ތެރޭގައިވެސް، ކެއްކިދާނެ ފައިދާ ހުރި ކާނާގެ ބައެއް ރެސިޕީ ތަކާއި ކަސްރަތުތައް ވެސް އިންސްޓަގްރާމް މެދުވެރިކޮށް ހިއްސާ ކޮށްފައެވެ.
ފޮތުގައި އޭނާގެ ވެލްނެސް ރޫޓިންތައް ވެސް ހިމެނޭނެއެވެ. އޭގެ ތެރޭގައި ފައިދާ ހުރި ކާނާ ކެއުމާއި ހެލްތީ ޑައިޓްތަކާއި ދުވަސް ފަށާނެ ގޮތާއި އެފަދަ ގިނަ މައުލޫމާތު ތަކެއް ވެސް ހިމެނޭ ކަމަށް ޚަބަރުތައް ބުނެއެވެ.
"ޗައްޔަ ޗައްޔާ" ލަވައިން ބޮޑު މަގުބޫލު ކަމެއް ލިބުނު މަލައިކާ ގިނައިން ފެނިގެން ގޮސްފައިވަނީ އައިޓަމް ސޯންގް ތަކުންނެވެ. އަދި އޭނާ ވަނީ ޝޯ ތަކުގެ ޖަޖުކަން ވެސް ކޮށްފައެވެ.
