ބޮލީވުޑްގެ އަރަމުން އަންނަ ދެތަރިން ކަމުގައިވާ ކިއާރާ އަދުވާނީ އާއި ސިދާތް މަލޯތްރާ ރައްޓެހިވެގެން އުޅުމަށްފަހު، ރުޅިވެފައިވާ ކަމަށް ފަތުރަނީ ދޮގު ހަބަރެއް ކަމަށް ކިއާރާ ބުނެފިއެވެ.
ސިދާތް އާއި ކިއާރާ ވަނީ އެކުގައި ފެނިގެން ގޮސްފައިއެވެ. އެގޮތުން ކިއާރާ ސިދާތްގެ އެޕާޓްމެންޓަށް އަދި ސިދާތް ކިއާރާގެ އެޕާޓްމެންޓް އަށް ސިއްރުއް ވަންނަނިކޮށް ވެސް ވަނީ ފެނިފައިއެވެ. އަދި ޕާޓީ ތަކަށް ވަލު ދޮރާށިން ވަންނަ ތަންވެސް ވަނީ ފެނިފައިއެވެ. މީގެ އިތުރުން ފާޅުގައި ދެމީހުން ޗުއްޓީތަކަށް ގޮސް ރެސްޓޯރެންޓް ތަކަށް ވެސް ދަނިކޮށް ޕަޕަރާޒީންނަށް ވަނީ ފެނިގެން ގޮސްފައިއެވެ.
އަދި ހަމަ އެއާއި އެކު އެމީހުންގެ ގުޅުން ނިމުމަކަށް އައިސްފައިވާ ކަމަށް މި ފަހުން ވަނީ އަޑުފެތުރިފައިއެވެ. އެމީހުންގެ ގުޅުން ނިމުމަކަށް އައިސްފައިވާ ކަމަށް ހަބރުތަށް ބުނި ނަމަވެސް ކިއާރާ އެކަމާ ދެކޮޅު ހަދައެވެ.
ހަދަ ހަދައިގެން ދައްކާ ވާހަކަތަކުގެ ސަބަބުން އަހަރެންގެ ދިރިއުޅުމަށް ވަރަށް ބޮޑަށް އަސަރު ކުރޭ، އަދި އާއިލާ އަށް ވެސް އެކަމުގެ އަސަރު ކުރޭ، އަދިވެސް މި އުޅެނީ ފަތުރަމުންދާ ރޫމާ ތަކުން އަރައި ނުގަނެވިގެން.
– ކިއާރާ ވަނީ ބުނެފައެވެ.
ކިއާރާ އާއި ސިދާތް ދިމާވީ އެމީހުން އެކުގައި ކުޅުނު ފިލްމް "ޝޭރްޝާހް" އިންނެވެ. އެމީހުން ކައިވެނި ކުރަން އުޅޭ އަޑުވެސް ދޭތެރެ ދޭތެރެ އިން ގަދަވެއެވެ.
