އިކެއާއިން ރަޝިއާގައި ކުރަމުން އައި ވިޔަފާރި ހުއްޓާލައިފި

އިކެއާއިން ރަޝިއާގައި ކުރަމުން އައި ވިޔަފާރި ހުއްޓާލައިފި

ސްވިޑްންގެ މަޝްހޫރު، ފަރުނީޗަރު ވިޔަފާރި ކުންފުނި އިކެއާއިން ރަޝިއާގައި ހިންގަމުން އައި އޮޕަރޭޝަންތައް ހުޓުމަކަށް ގެނައުމުގެ އުދަގޫ ނިންމުން އެ ވިޔަފާރި ޗެއިންއިން ނިންމާފައިވާކަން ހާމަ ކޮށްފިއެވެ.

އިކެއާއިން ބުނެފައިވަނީ، އެ ކުންފުނިން ރަޝިއާގައި ކުރަމުން އައި ވިޔަފަރި ހުއްޓުމަކަށް ގެންނަން ޖެހުނީ، "ފާއިތުވެދިޔަ ތަނުގައި ދުނިޔޭގެ ވިޔަފާރި އަދި ސަޕްލައިން ޗެއިންތަކަށް ވަރަށް ބޮޑަށް އަސަރު ކޮށްފައި ވާތީ" ކަމުގައެވެ.

"ކުރިޔަށް އޮތް އަވަސް މުތަގުބަލެއްގައި މި ވިޔަފާރި އަލުން ފެށިދާނެކަމަށް އަހަރެމެން ނުދެކެން،" އިކެއާއިން ނެރެފައިވާ ބަޔާނެއްގައި ބުނެފައި ވެއެވެ.

ރަޝިއާއިން ޔޫކުރެއިންގައި ކުރަންފެށި ހަނގުރާމައާއި ގުޅިގެން، މިއަހަރުގެ މާރޗްމަހު އިކެއާއިން ވަނީ ރަޝިއާގައި ހުރި އެކުންފުނީގެ ވިޔަފާރިތައް ވަގުތީގޮތުން ބަންދު ކޮށް، ރަޝިއާއަށް ސަޕްލައިކުރުން ހުއްޓުމަކަށް ގެނެސްފައެވެ. އެހެންނަމަވެސް އެކުންފުނިން އައީ މުވައްޒަފުންނަށް މުސާރަ ދެމުންނެނެވެ.

އިކެއާއިން ބުނެފައިވާ ގޮތުގައި ރަޝިއާގައި ހުރި އެކުންފުނީގެ 4 ފެކްޓަރީ ހިންގާނެ ބަޔަކުން އެކުންފުނިން ހޯދަމުން ދާކަމުގައެވެ.

ރަޝިއާއިން ފާއިތުވި ފެންރުއަރީމަހުގެ 24ވަނަ ދުވަހު ޔޫކުރެއިންއަށް އުދުވާނީ ހަމަލާ ދޭން ފެށުމާއި ގުޅިގެން ބައިނަލްއަގުވާމީ އެތައް ސަތޭކަ ވިޔަފާރިއަކުންވަނީ ރަޝިއާގައި ވިޔަފާރިކުރުން ހުއްޓާލާ އަދި އަނެއްބައި ކުންފުނިތަކުން ވިޔަފާރިތައް ސަސްޕެންޑް ކޮށްފައެވެ.

މީގެ ތެރޭގައި ދުނިޔޭގެ މަޝްހޫރު ބައެއް ބްރޭންޑްތައް ކަމުގައިވާ ކޮކާ ކޯލާ، ލެވީސް އަދި އެޕްލް ފަދަ ކުންފުނިތައް ހިމެނެއެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *