ޔޫކުރެއިންގެ އިރުމަތީ ލުހާންސްކް ސަރަހައްދުގައި މީހުން އުފުލަމުންދިޔަ ހަނގުރާމަމަތީ އުޅަދަކަށް، ރަޝިއާގެ މޯޓަރު ހަމަލާއަކުން ބުރައިގެންދިޔަ އެތިކޮލުތައް އަމާޒުވެ، އެ އުޅަނދުގައި ދަތުރު ކުރަމުންދިޔަ ފްރާންސްގެ ނޫސްވެރިޔަކު މަރުވުމާއި ގުޅިގެން މި ސަރަހައްދުން މީހުން ހުސްކުރުމަށްޓަކާ ކުރަމުންދިޔަ މަސައްކަތް ވަގުތީގޮތުން ހުއްޓުމަކަށް އައިސްފައި ވާކަމަށް އެ ސަރަހައްދުގެ ގަވަރުނަރު ސެރްހީ ގައިޑައި ވިދާޅުވެއްޖެއެވެ.
ގައިޑައި ޓެލެގްރާމްގައި ލިޔުއްވާފައިވާ ގޮތުގައި، މޯޓަރު ހަމަލާއިން ބުރައިގެން އައި އެތިކޮޅުތައް އުޅަދުގެ ދިފާއީ ފަށަލަ ފޫއަޅުވާލުމަށްފަހު އަމާޒުވީ އެ އުޅަދުގައި ދަތުރުކުރަމުންދިޔަ ފްރާންސްގެ ނޫސްވެރިއަކަށް ކަމުގައެވެ.
އަދި ގައިޑައި ވަނީ، މި ހަމަލާގައި މަރުވި ނުސްވެރިޔާ ބޭނުންކުރަމުންދިޔަ ނޫސްވެރިއެއްކަން އަންގައިދޭ ތަކެތީގެ ފޮޓޯ ޓެލްގަރާމް ޗެނަލްގައި ޕޯސްޓު ކޮށްފައެވެ.
ފާއިތުވެދިތަ ފެބްރުއަރީމަހުގެ 24ވަނަ ދުވަހު ރަޝިއާއިން ޔޫކުރެއިންއަށް އުދުވާނީ ހަލާ ދޭންފެށިފަހުން އެގައުމުގައިވަނީ ގިނަ އަދަދެއްގެ ނޫސްވެރިން މަރުވެފައެވެ.
