އެމެރިކާގެ ޓެކްސަސްގެ އުވާލްޑްގެ ޕްރައިމަރީ ސްކޫލަށް ދިން ހަމަލާގައި މަރުވި، އެ ސްކޫލުގެ 2 ޓީޗަރުންގެ ތެރެއިން އެއް ޓީޗަރެއްގެ ފިރިމިހާ ހިތް ހުއްޓިގެން މަރު ވެއްޖެއެވެ.
18 އަހަރުގެ ޒުވާނަކު، ޓެކްސަސްގެ ޕްރައިމަރީ ސްކޫލަށް ވަދެ ދިން ބަޑީގެ ހަމަލާގައި 19 ކުޑަކުދިންގެ އިތުރުން އެ ސްކޫލުގައި ކިޔަވަމުންދިޔަ ދެ ޓީޗަރަކުވެސް ވަނީ މަރުވެފައެވެ.
މިއަދު ހިން ހުއްޓިގެން މަރުވެފައިވަނީ، މިހަމަލާގައި މަރުވީ، މި ސްކޫލުގައި 23 އަހަރުވަންދެން މަސައްކަތް ކުރަމުންދިޔަ އިރުމާ ގާސިއާގެ ފިރިމީހާ ޖޯއި ގާސިއާއެވެ.
މި ދެމަފިރިން ކައިވެނި ކޮށްގެން އުޅޭތާ 24 އަހަރު ވެފައި ވާއިރު، ދެމަފިރިންގެ 4 ކުދިން އެބަތިއްބެވެ. ދެ ފިރިހެން ކުދިންނާއި ދެ އަންހެން ކުދިންނަކީ އުމުން 12 އަހަރާއި 23 އަހަރާއި ދެމެދުގެ ކުދިންނެވެ. ހަމަލާގައި މަރުވި ޖޯއި ގާސިއާއަށް ބޮޑު ބޭބެކިޔާ ކުއްޖަކު ޓުވީޓު ކޮށްފައިވާ ގޮތުގައި ޖޮއި ގާސިއާ ހިތް ހުއްޓިގެން މަރުވެފައިވަނީ އަންހެނުން މަރުވެ ދިއުމުގެ ހިތާމާގައި ކަމުގައެވެ.
EXTREMELY heartbreaking and come with deep sorrow to say that my Tia Irma’s husband Joe Garcia has passed away due to grief, i truly am at a loss for words for how we are all feeling, PLEASE PRAY FOR OUR FAMILY, God have mercy on us, this isn’t easy pic.twitter.com/GlUSOutRVV
— john martinez ❤️???? (@fuhknjo) May 26, 2022
ޓެކްސަސްގެ ގަވަރުނަރު ވިދާޅުވެފައި ވާގޮތުގައި މި ހަމަލާ ދީފައިވަނީ ސަލްވަޑޯ ރާމޯސް ނަމަކަށް ކިޔާ 18 އަހަރުގެ ފިރިހެން ކުއްޖެކެވެ.
އަދި އޭނާގެ އަތުގައި AR-15ގެ ރައިފަލް އެއް އޮތް ކަމަށާއި، ފުލުސް އޮފިސަރުން ދިން ހަމަލާތަކުގައި އޭނާ މަރުވެފައިވާ ކަމަށްވެސް އެމެރިކާގެ ލޯ އެންފޯރސްމަންޓުން ހާމަ ކޮށްފައި ވެއެވެ.
މި ހަމަލާގައި މަރުވެފައިވާ ކުދިންނަކީ އުމުރުން 7 އަހަރާއި 10 އަހަރާއި ދެމެދުގެ، ގްރޭޑް 3 އަދި 4ގައި ކިޔަވަމުންދިޔަ ކުދިންނެވެ.
މި ހަމަލާއާއި ގުޅިގެން އެމެރިކާގެ ވައިޓް ހައުސްގެ ރޫޒްވެލްޓު ރޫމްގައި ވާހަކަ ދައްކަވަމުން އެމެރިކާގެ ރައީސް ވަނީ މިހަމަލާގައި މަރުވެދި ކުދިންނަށް ހެޔޮ ދުޢާ ކޮށްދިނުމަށް އެދިވަޑައިގެންފައެވެ. އަދި މި ޕްރެސް ބްރީފިންއަށްފަހު ބައިޑްން ނޫސްވެރިންގެ ސުވާލުތަކަށް ޖަވާބު ދެއްވާފައެއް ނުވެއެވެ.
މި ނޫސްވެރިންގެ ބައްދަލުވުމުގައި ބައިޑްންވަނީ، އެމެރިކާގައި ހަތިޔާރު ގެންގުޅުމަށް ފުރުސޮތު އޮންނަންވާނެ ކަމަށް އަޑުއުފުލަމުންދާ މީހުންނާއި ދެކޮޅަށް ތެދުވުމަށް ގޮވާ ލައްވާފައެވެ.
"އަހަރެން ވަރުބަލި ވެއްޖެ. އަހަރެމެން އެބަޖެހޭ ފިޔަވަޅު އަޅަން،" ވައިޓު ހައުސްގައި ވާހަކަ ދައްކަވަމުން ބައިޑްން ވިދާޅުވެފައި ވެއެވެ. "މި ގަތުލުއާންމުތަކާއި ދެކޮޅަށް އަހަރެމެންނަށް ކުރެވޭނެ ނެތޭ ބުނެގެން ނުވާނެ."
"އުމުރުން 18 އަހަރުގެ ކުއްޖަކަށް ފިހާރައަކަށް ވަދެ ހަތިޔާރު ގަނެވެންވާނެ ކަމަށް ދުށުމަކީ ގޯހެއް. މިއީ ދުނިޔޭ އެއްވެސް ތަނެއްގައި މަދުން ނޫނީ ނުހިގާ ބާވަތުގެ ގަތުލު އާންމެއް،" ބައިޑްން ވިދާޅުވެފައި ވެއެވެ.
އެމެރިކާގެ ލޯ އެންފޯސްމަންޓް އޮފިޝަލުން ބައެއް ލޯކަލް މީޑިއާތަކަށް މައުލޫމާތު ދީފައިވާ ގޮތުގައި، މިހަމަލާ ދިން 18 އަހަރުގެ ކުއްޖާ ޕްރިމަރީ ސްކޫލަށް ވަދެގަތުމުގެ ކުރިންވަނީ އެނާގެ މާމައަށްވެސް ބަޑިން ހަމަލާ ދީފައެވެ.
މިހަމަލާގައި 18 ކުޑަކުދިން މަރުވުމުގެ ހިތާމާގައި އެމެރިކާގެ ދިދަ މިމަހުގެ 28 ވަނަ ދުވަހާއި ހަމައަށް ބައި ދަނޑިއަށް ތިރި ކޮށްފައި ބެހެއްޓުމަށް އެމެރިކާގެ ރައީސް ޖޯ ބައިޑްންވަނީ އަމުރު ކުރައްވާފައެވެ.
