ބޮލިވުޑްގެ އެކްޓެރެސް ޝިލްޕާ ޝެއްޓީގެ ކުރިއަށް އޮތް ފިލްމު "ނިކަންމާ" ގެ ޓްރެއިލާ ދައްކާލައިފިއެވެ.
ކޯވިޑްގެ ސަބަބުން ފިލްމު ރިލީޒް ނުކުރެވި ދިގުދެމިގެން ގޮސްފައިވާއިރު، ރިޕޯޓްތައް ބުނާ ގޮތުގައި އެ ފިލްމަކީ 2017 ގައި ނެރުނު ޓެލުގޫ ފިލްމު "މިޑްލް ކްލާސް އަބޭ"ގެ ރިމޭކެކެވެ.
ޝިލްޕާ އާއެކު ފިލްމުގެ ޓްރެއިލާ ދައްކާލިއިރު، ޝިލްޕާ ފުރަތަމަ ފެނިލުން ފެނިގެން ގޮސްފައި ވަނީ ވަރަށް ތަފާތު ގޮތަކަށެވެ. އޭނާ ހުރީ ސުޕަރ ވުމަން އެއްގެ ގޮތުގައެވެ.
މި ފިލްމުން ޝިލްޕާ އާއެކު ލީޑުން ފެންނާނީ "މީނާކްޝީ ސުންދަރޭޝްވަރު" ފިލްމުގައި ފެނުނު އަބީމަންޔޫ ދަސާނީ އެވެ. މީގެ އިތުރުން ޝެރްލީ ޝީޓިއާ ވެސް ފެނިގެން ދާނެއެވެ.
View this post on Instagram
ސައްބިރް ޚާން ޑައިރެކްޓް ކޮށްފައިވާ މި ފިލްމް ރިލީޒް ކުރާނީ އަންނަ މަހުގެ 17 ގައެވެ. "ނިކައްމާ" އަކީ އެކްޝަން ރޮމޭންޓިކް ކޮމެޑީއެކެވެ.
