މި މަހުގެ 11 ވަނަ ދުވަހު އެކްޓްރެސް ކަރީނާ ކަޕޫރު ވަނީ ޑައިރެކްޓަރ ސުޖޯއި ގޯޝްގެ އާ ފިލްމުގެ ޝޫޓިން ފަށައިފައެވެ.
އޭނާ އިންސްޓަގްރާމްގައި ފިލްމް ސެޓުގައި މޭކަޕް ކުރަނިކޮށް ނަގައިފައިވާ ފޮޓޯއެއް ވަނީ ހިއްސާ ކޮށްފައެވެ.
View this post on Instagram
އެފޮޓޯގައި އޭނާ ފެންނަނީ އެކަނި އިންނަ މަންޒަރު ކަމުގައިވިޔަސް އޭގެ ދެވަނަ ފޮޓޯއެއްވެސް ކަރީނާ ހިއްސާ ކުރިއެވެ. ދެވަނަ ފޮޓޯގައި ކަރީނާ އާއެކު އޭނާގެ ހަގު ދަރިފުޅުވެސް ފެނިގެން ދެއެވެ. ކަރީނާ މޭކަޕް ކުރަމުން ދިޔައިރު ޖެހް އިނީ ކުރިމަތީގައި ހުރި ހައި ޗެއާ އެއްގައި ބައިންދާފައެވެ.
View this post on Instagram
"ޑިވޯޝަން އޮފް ސަސްޕެކްޓް އެކްސް" ގެ ނަން ދީފައިވާ މި މިސްޓްރީ ތުރިލާގެ ޝޫޓިން ކުރިއަށް ދަނީ ވެސްޓް ބެންގާލްގެ އަވަށެއް ކަމަށްވާ ކަލިމްޕޮން ގައެވެ.
ސުޖޯއިއާ ނެޓްފްލިކްސް ގުޅިގެން ހަދާ ފިލްމުގެ ކާސްޓްގައި ވިޖޭ ވަރުމާ އާއި ޖައިދީޕް އަހްލަވަތު ވެސް ހިމެނެ އެވެ.
One Response
ދަރިފުޅު ގޮވައިގެން ދިޔަޔަސް ވަރިހަމަތާ އެދަރިފުޅު ބަލަހައްޓަން އަންހެނަކާ ފިރިހެނަކުވެސް ތިބޭ ވިއްޔަ.