މައްޗަންގޯޅި މެދު ދާއިރާގެ މާލެ ސިޓީގެ ކައުންސިލްގެ އެމްޑީޕީ މެމްބަރު އަހުމަދު ޒަމީރު، އިދިކޮޅު ޕީޕީއެމް އިން ހިންގާ އިންޑިއާ އައުޓް ހަރަކާތަށް ތަޢިދުކޮށްފިއެވެ.

މާލެ ސިޓީ ކައުންސިލްގެ ހުޅުމާލެ ދާއިރާގެ މެންބަރު އިބްރާހީމް ޝުޖާޢު ވަނީ، ކައުންސިލަރ ޒަމީރު އިންޑިއާ އައުޓް ލިޔެފައިވާ ކަރުދާހެއް ހިފަހައްޓައިގެން އިން ފޮޓޯއެއް އާންމުކޮށްފިއެވެ. ޝުޖާޢު ވިދާޅުވީ، ޒަމީރުވެސް އިންޑިއާ އައުޓް ހަރަކާތަށް ތަޢީދުކޮށްފައިވާކަަމށެވެ.

އިންޑިއާ އައުޓް ހަރަކާތަށް ކައުންސިލަރ ޒަމީރު ތަޢީދުކޮށްފައި މިވަނީ، ރައީސްގެ ޤަރާރަކުން އެކަން ހުއްޓުވުމަށް ދައުލަތުގެ އިދާރާތަކަށް އަންގާފައިވަނިކޮށެވެ.

މާލެ ސިޓީ ކައުންސިލް @MDPSecretariat މެމްބަރ @AhmedXamyr މިއަދު #IndiaOut ހަރަކާތައް ތާއީދު ކޮށްފި. pic.twitter.com/SIZnR9Dmzk

— Ibrahim Shujau (@IbrahimShujaau) May 11, 2022

ކައުންސިލަރ ޒަމީރު މީގެ ކުރިންވެސް ވަނީ އިންޑިއާ އައުޓް ޕެޓިޝަނުގައި ސޮއިކޮށްފައެވެ. ނަމަވެސް އެމްޑީޕީގެ ރައީސް ނަޝިދުގެ އެދިވަޑައިގަތުމަށް ސޮއި އަނބުރާ ނެންގެވީއެވެ. ޒަމީރު ވަނީމީގެ ކުރިންވެސް ސަރުކާރަށް ފާޑުވިދާލުވެފައެވެ. އެގޮތުން

އޭނާ ވަނީ ސަރުކާރުން މާލެ ސިޓީ ކައުންސިލުން ރައްޔިތުންނަށް ފައިދާހުރު ގޮތަށް ކުރަމުންދާ ކޮންމެ ކަމަކަށް ހުރަސް އަޅަމުންދާކަމަށް ވިދާޅުވެފައެވެ.

އެގޮތުން މާލެ ސިޓީ ކައުންސިލްގެ އިދާރާ ޒަމާނީ އިމާރާތަކަށް ބަދަލު ކުރުމަށްޓަކައި ކައުންސިލުން ކަނޑައެޅި 18 މިލިޔަން ރުފިޔާއިން 7 މިލިޔަން ރުފިޔާ އުނިކުރި މައްސަލައިގައިވެސް ފާޑުވިދާޅުވެފައެވެ. އަދި ކުއްލިއަކަށް ބަޖެޓުގައި ނުވެސް ނެތްކަމެއް އެތަކެއް މިލިޔަން ރުފިޔާއެއް ޚަރަދުކޮށްގެން ދެ ކޮމަންޑު ގުޅާލަން ކުރާ މަސައްކަތަކީ އެއްވެސް ގޮތަކަށް ބަލައި ގަނެވޭނެ ކަމެއްނޫންކަމަށް އޭނާ ވިދާޅުވިއެވެ.

މީގެ އިތުރުން މާލެ ސިޓީ ކައުން ސިލަށް އާންމުދަނީ ލިބެން ހުރި ނޯރތު ހާބަރާ ޓީޖެޓީ ނުދޭން ނިންމާ ރައީސް އޮފީހުން ސިޓީ ފޮނުވުމުން ދޭހަވެގެން ދަނީ ރައީސް އޮފީހުން ރާއްޖޭގެ ރައްޔިތުންނަށް ފައިދާއެއް ވާން ބޭނުން ނުވާ މަންޒަރު ކަމަށެވެ. އަދި މިކަމުގެ ސަބަބުން ގެއްލުން ވެގެން ދަނީ ރައްޔިތުންނަށް ކަމަށްވެސް ޒަމީރު ވިދާޅުވިއެވެ.