އެކްޓަރު އަރުޖުން ކަޕޫރު އޭނާ ހަށިގަނޑަށް އައިސްފައިވާ ބަދަލު ދައްކުވައިދޭ އެހާރާއި މިހާރުގެ ފޮޓޯއެއް ހިއްސާ ކޮށްފިއެވެ.
އަރުޖުން ކަޕޫރަކީ ބޮލީވުޑަށް ތައާރަފް ވުމުގެ ކުރިން ވަރަށް ފަލަކޮށް ހުރި މީހެކެވެ. ނަމަވެސް ބޮލީވުޑަށް ނުކުތުމަށްޓަކައި އޭނާ ވަނީ ވަރަށް ބޮޑަށް ބަރުދަން ލުއި ކޮށްފައެވެ.
ނަމަވެސް އަނެއްކާވެސް އަރުޖުން މި ވަނީ އޭނާގެ ހަށިގަޑަށް ބޮޑު ބަދަލެއް ގެެނެސްފައެވެ. 36 އަހަރުގެ އެކްޓަރ އިންސްޓަގްރާމް ގައި ހިއްސާކުރި ފޮޓޯއިން ފެންނަނީ ވަރަށް ފިޓްކޮށް، ސިކްސް ޕެކާ އެކީގައި ހުއްޓައެވެ. އަދި ދެވަނަ ފޮޓޯގައި ފެންނަނީ ޗަބީކޮށެވެ.
އޭނާ ބުނީ ހަށިގަނޑަށް މި ބަދަލު ގެނައުމުގެ މަސައްކަތް ފެށީ ފެބްރުވަރީ 2021 ގައި ކަމަށެވެ. އަދި ޗަބީ ފޮޓޯ އަކީ އެދުވަހު ނެގި ފޮޓޯއެކެވެ. ދެވަނަ ފޮޓޯ ނަގައިފައިވަނީ މޭ 2022 ގައެވެ. މި ދެފޮޓޯއިން އަރުޖުންގެ ހަށިގަނޑަށް ގެނެސްފައިވާ ބަދަލު ވަރަށް ރީތިކޮށް ފެނެއެވެ.
އަރުޖުން ބުނީ ހަށިގަނޑަށް ބަދަލު ގެންނަން ފާއިތުވި 15 މަސްދުވަހުގެ ތެރޭގައި އޭނާ ވަރަށް ބުރަކޮށް މަސައްކަތް ކުރިމަށާއި މިއީ އެނާ ކުރި ބުރަ މަސައްކަތުގެ ނަތީޖާ ކަމަށެވެ.
View this post on Instagram
ޕްރޮޑިއުސަރ ބޯނީ ކަޕޫރްގެ ހަމައެކަނި ފިރިހެން ދަރިފުޅު އަރުޖުން ބޮލީވުޑަށް ނުކުތީ 2012ގެ ފިލްމް "އިޝަގްޒާދޭ"އިން ޕަރިނީތީ ޗޯޕްރާ އާއެކުގައެވެ. ބުނެވޭ ގޮތުގައި ބޮލީވުޑަށް ނުކުތުމަށް ހަށިގަނޑަށް ބަދަލު ގެނައުމަށް އަރުޖުންއަށް އެންމެ ބޮޑު އެހީތެރިކަމެއް ވީ ސަލްމާން ޚާނެވެ. ސަބަބަކި އެއީ އޭޏާގެ ކޮއްކޮ އަރްޕިތާ ލޯބީގެ ގޮތުން ގުޅިގެން އުޅުން މީހާ ކަމުގައިވާތީ ކަމަށް އޭރުގެ ޚަބަރުތަށް ވަނީ ބުނެފައެވެ.
ނަމަވެސް ފަހުން އަރުޖުން ވަނީ އަރްޕިތާ އާއި އޮތް ލޯބީގެ ގުޅުން ކަނޑައިލާފައެވެ. އަދި ސަލްމާންގެ ކޮއްކޮ އަރްބާޒްގެ އަންހެނުން މަލައިކާއާ ރައްޓެހިވެފައެވެ. މަލައިކާ އަރުބާޒް ކައިރިން ވަރިވެ އަރުޖުން އާއި ލޯބީގެ ގޮތުން ގުޅިގެން އުޅޭތާ މިހާރު ދުވަސްތަކެއް ވެއްޖެއެވެ.
