އެމްޑީޕީ ޗެއާޕާސަންގެ އިންތިޚާބުގައި ވާދަކުރާ އިކޮނޮމިކް މިނިސްޓަރ ފައްޔާޒު އިސްމާއިލަށް ފުވައްމުލަކު ސިޓީގައި އޮތް ތާއީދު ދައްކާލައިފިއެވެ.
މިރޭ ފައްޔާޟުގެ ޓީމުން ފުވައްމުލަކަށް ވަޑައިގަތުމުން އެރަށުން ވަނީ ވަރަށް ހޫނު މަރުހަބާއެއް ކިޔާފައެވެ. ގިނަ އަދަދެއްގެ ބަޔަކު އެއާޕޯޓުން ފަޔާއަށް މަރުހަބާ ކިޔާފައިވާއިރު ފުވައްމުލަކު ސިޓީއަށް ނިސްބަތްވާ މަޖިލިސް މެމްބަރުންވެސް ވަނީ ފަޔާއަށް މަރުހަބާ ކިޔުމަށް އެއާޕޯޓަށް ވަޑައިގެންފައެވެ.
Fuvamulah city #MDPhingaalan chairperson candidate @faya_i ah hoonu marhaba eh ????????#MDPhingaalan #Faya4CP ????????✌???? pic.twitter.com/TMj8giCCTE
— Ché (@LamanMohamed) May 7, 2022
ކެމްޕެއިނަށް މަދު ދުވަސްތަކެއް އޮތް އިރު، ފަޔާއާއި އިންތިވެސް ގެންދަވަނީ އަތޮޅު ތެރޭގެ ރަށްތަކަށް ވަޑައިގެން ކެމްޕެއިން ހަރަކާތްތައް ފުޅާ ކުރަމުންނެވެ. އަދި މިވާދަ ވެރިކަމުގައި ދެކެނޑިޑޭޓުންގެ ސަޕޯޓަރުންގެ ފަރާތުން ބަހުގެ ހޫނު ހަމަލާތައް ބަދަލު ކުރެވިގެންދާތަންވެސް ފެނެއެވެ.
Fuvahmulah othy gadha koh #Hingaalan pic.twitter.com/hzS3J8Caro
— ????????????????????® #FreePalestine ???????? (@axvastaine7) May 7, 2022
އެމްޑީޕީގެ ޗެއާޕާސަން އިންތިޚާބުގެ ކެމްޕެއިންގެ ފޯރި ގަދަވެފައިވާއިރު، ވަޒީރުންގެ ތެރޭގައި ހިމެނޭ އެމްޑީޕީގެ ގިނަ ވަޒީރުންގެ ތާއީދު ފަޔާއަށް އޮތްކަން ދަނީ ހާމަ ކުރަމުންނެވެ. މިއިންތިޚާބުގައި މަޖިލީހުގައި ހިމެނޭ އެމްޑީޕީގެ މެމްބަރުންގެ ތެރެއިން ގިނަ އަދަދެއްގެ މެމްބަރުންގެ ތާއީދު އޮތީވެސް ފަޔާއަށެވެ. އެމްޑީޕީގެ ޗެއާޕާސަންގެ އިންތިޚާބު ބޭއްވުމަށް ހަމަޖެހިފައވަނީ މިމަހުގެ 14 ވަނަ ދުވަހުއެވެ.
މިއިންތިޚާބު ފަޔާ ކާމިޔާބު ކުރާނެކަމަށް ބެލެވޭއިރު، މިއީ އެމްޑީޕީގެ އެތެރޭގައި އޮތް ވާދަވެރިކަމުގައި ޕާޓީ ބައިބައި ވެގެންދާނެ އިންތިޚާބެއްގެ ގޮތުގައި ގިނަ ބަޔަކު ދެކެއެވެ. އެންމެ ބޮޑު ސަބަބެއްކަމަށް ފަޔާއާއި ވާދަކުރާ އިންތިގެ ޓީމުން ތުހުމަތު ކުރަނީ ރައީސް ނަޝީދު އެމްޑީޕީން ބާކީ ކުރާނެކަމުގެ ތުހުމަތެވެ. ފަޔާ އިންތިޚާބު ވެއްޖެނަމަ އެމްޑީޕީ ތެރޭގައި ރައީސް ނަޝީދަށް އޮތް ބާރުވެރިކަން ކަނޑުވާލައި ރައީސް ނަޝީދު ޕާޓީން ބޭރު ކުރާނެކަމަށް އިންތިގެ ޓީމުން ދަނީ ބުނަމުންނެވެ.
