އެމްޑީޕީ ޗެއަރޕާސަން އިންތިޚާބުގައި އިކޮނޮމިކް މިނިސްޓަރ ފައްޔާޒް އިސްމާއީލަށް ތާއީދުކުރާ ފަރާތްތަކަށް ވަގަށް ގޮވުމުން ކޮމަންޑޫ ދާއިރާގެ މެންބަރު މުޙައްމަދު ރާޝިދުވެސް ކޯފާއިސްކުރައްވާ ރައްދު ދެއްވައިފިއެވެ.
ރާޝިދު ކޯފާ އިސްކުރައްވާ ރައްދު ދެއްވީ ޓެންޑަރ ބޯޑުގެ ކުރީގެ ޗެއަރޕާސަން އިސްމާއީލް ޒަރިއަންދު ވިދާޅުވި ވާހަކަފުޅަކާއި ގުޅިގެންނެވެ. ޒަރިޔަންދު ވިދާޅުވީ، މިއަދު "ތަށިމުއްޓާއި ބެޑްރޫމް ސެޓާއި، އެސްއެމްއީ ލޯނާއި މަދު ފައިސާކޮޅަކަށް" ވޯޓް ވިއްކާލަން ތައްޔާރުވާނަމަ ވިސްނަވަންވީކަމަށެވެ. އަދި މާދަމާ އެ ވޯޓް ގަންނަފަރާތުން ތިބާއަށް ކުރި ޙަރަދު އަނބުރާ ހޯދާނީ، އޭގެ އެތައް ސަތޭކަގުނައަކަށް ރައްޔިތުންގެ މުދަލާއި ފައިސާއިން ކޮރަޕްޝަން ހިންގައިގެންކަމަށް ޒަރިޔަންދު ވިދާޅުވިއެވެ.
ޒަރިޔަންދުއަށް ރައްދު ދެއްވާ ރާޝިދު ވިދާޅުވީ، އެންމެ ފަހުން ކުށެއް ނެތް މައުސޫމް ރައްޔިތު މީހާގެ ބޮލުގައިވެސް ވަގު ބަދުނާމު އެޅުވީކަމަށެވެ. "ލަދު ކޮބައިތޯ" ސުވާލުކުރައްވާ ރާޝިދު ވިދާޅުވީ، ނިކަމެތި ރައްޔިތު މީހާއަށް ވަގަށް ނުގޮވޭނެކަމަށެވެ. އެ ރައްޔިތު މީހާގެ ކުށަކީ ފައްޔާޒަށް ވޯޓު ލުންތޯވެސް ރާޝިދު ސުވާލުކުރެއްވިއެވެ.
މުއްޓޭ ތައްޓޭ ބެޑްރޫމް ސެޓޭ ޓީވީއޭ ކިޔާނެކަމެއް ނެތް!
– ކޮމަންޑޫ ދާއިރާގެ މެންބަރު މުޙައްމަދު ރާޝިދު
Emme fahun Kusheh neh Mausum rayyath meeha boluga ves vagu badhunaamu! Kobaitho Ladhu! Nikamethi rayyathu meehaa ah vagah nugovaa! E rayyath meehage Kushakee Faya ah vote luntho! Muttey, thattey, bedroom set ey, tv ey kiyaane kameh neh! #vote4faya n roxe pic.twitter.com/12H3h1Farf
— Mohamed Rashid (@Rashid141221) May 5, 2022
އެމްޑީޕީ ޗެއަރޕާސަން އިންތިޚާބުގައި ޒަރިޔަންދު ތާޢީދުކުރައްވަނީ އިންތިއަށެވެ. ނަމަވެސް ރާޝިދު ތާޢީދު ކުރައްވާނީ މިނިސްޓަރ ފައްޔާޒަށެވެ.
އެމްޑީޕީގެ ޗެއާޕާސަން އިންތިޚާބު މިމަހުގެ 14 ވަނަ ދުވަހު ބޭއްވުމަށް ހަމަޖެހިފައިވާއިރު، މިއިންތިޚާބުގައި އިކޮނޮމިކް މިނިސްޓަރ ފައްޔާޟު ސަރުކާރުގެ ނުފޫޒާއި ބާރުގެ ބޭނުން ކުރާކަމަށް އިންތިގެ ޓީމުން ދަނީ ތުހުމަތު ކުރަމުންނެވެ. އަދި ކަން ބެލުމަށް އެމްޑީޕީގެ ކަމާއިބެހޭ ކޮމެޓީއަށް ހުށަހެޅުުން ނިންމާފައިވަނީ، އިންތިޚާބަށް ނުފޫޒު ފޯރުވާކަމަށެވެ.
ނަމަވެސް ފައްޔާޟުގެ ޓީމުން ވަނީ މިއީ ކަނޑައެޅިގެން ދޮގުވާހަކަތަކެއްކަމަށް ބުނެފައެވެ. މިއިންތިޚާބުގެ ވާދަވެރިކަން ބޮޑުވެފައިވަނީ މިއީ ކުރިއަށް އޮތް ރިޔާސީ އިންތިޚާބުގައި އެމްޑީޕީން ނެރޭނެ ކެނޑިޑޭޓެއްވެސް ސާފުވާނެ އިންތިޚާބަކަށް ވުމުންނެވެ.
ކޮމެންޓު ފޮނުވާ