ރާއްޖޭގެ ސިޔާސީ މައިދާނުގައި މިވަގުތު ތިއްބެވި ބޭފުޅުންގެ ތެރެއިން އަދިވެސް އެންމެ ވަރުގަދަ ޝަޚްސިއްޔަތަކީ ރައީސް ނަޝީދުކަމަށް އެމްޑީޕީގެ ޗެއާޕާސަންގެ ކެމެޕެއިންގައި ދެވުނު ކޮންމެ ރަށެއްގެ ރައްޔިތުން ބުނަމުންދާކަމަށް އެމްޑީޕީގެ ކުރީގެ ޗެއާޕާސަން އަލް އުޘްތާޒު ހަސަން ލަތީފް ވިދާޅުވެއްޖެއެވެ.

ހަސަން މިހެން ވިދާޅުވީ އެމްޑީޕީގެ ޗެއާޕާސަން އިންތިޚާބުގައި އެންމެފަހުން ވަޑައިގެންނެވި އަރިއަތޮޅު ދެކުނުބުރީގެ ކެމްޕެއިން ނިންމާލުމަށްފަހު ކުރި ޓުވީޓުގައެވެ. ހަސަން ވިދާޅުވީ މުޅި ރާއްޖެއިންވެސް މިހާތަނަށް އެވެމުންދިޔައީ އެއްވާހަކަ އެއްކަމަށެވެ.

އެމްޑީޕީގެ އާންމު މެމްބަރުން އެންމެ ބޮޑަށް ގަބޫލޫ ކުރާ އެއްކަމަކީ އެމްޑީޕީގެ ވެރިކަމެއް އެމްޑީޕީގެ އަސާސްތަކާއި އެއްގޮތަށް ބޭއްވުމަށްޓަކައި، ޕާޓީ ވަރުގަދަކޮށް އޮންނަންޖެހޭކަމަށެވެ. އެކަން ކުރެވޭނީ އިންތި އިންތިޚާބު ކޮށްގެންކަމަށާއި، އަދި ރައްޔިތުން 2023ގައި ގަބޫލު ކުރާ އަދި އެންމެ މަގުބޫލު ޝަޚުސިއްޔަތަކީ ރައީސް ނަޝީދުކަމަށް ގަބޫލު ކުރާކަމުގައިވެސް ހަސަން ވިދާޅުވިއެވެ.

އަރިއަތޮޅު ދެކުނުބުރީ އެމްޑީޕީ މެންބަރުންވެސް ފާހަގަކުރީ މުޅި ރާއްޖެއިންވެސް ބުނަމުންދާ ފަދައިން 2023 ކާމިޔާބު ކުރުމަށް މިޕާޓީ ވަރުގަދަކޮށް އޮންނާންޖެހޭކަން. ރައީސް ނަޝީދު ވަރުގެ ޝަޚްސިއްޔަތެއް އަދިވެސް ނެތްކަން. ރައީސް ނަޝީދު އެއްފަރާތްކުރިޔަ ނުދިނުމަށް އިންތިއާއިއެކު އދ އަތޮޅުވެސް އޮތްކަން.

– ހަސަން ވިދާޅުވިއެވެ.

އަންނަ މަހުގެ 14 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ އެތެރޭގެ އިންތިހާބުގެ ފޯރި ގަދަވަމުން އަންނައިރު، އެމްޑީޕީގެ ތެރޭގައި ދެ ފެކްޝަނެއް އުފެދި ޕާޓީ ވަނީ ވަރަށް ބޮޑަށް ބައިބައި ވެފައެވެ. އެމްޑީޕީގެ ޗެއާޕާސަން ހޮވުމަށް ބާއްވާ މި އިންތިހާބުގައި ވާދަކުރައްވާނީ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ (އިންތި) އަދި އިކޮނޮމިކް މިނިސްޓަރ ފައްޔާޒް އިސްމާއިލްއެވެ.

އިންޑިއާގެ ދޫރުދަރުޝަން ޗެނަލަށް ދެއްވި އިންޓަވިއު އެއްގައި ރައީސް ނަޝީދު ވިދާޅުވީ އެމަނިކުފާނާއި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ވެސް ވަކި ބޭފުޅަކަށް ތާއިދުުކުރައްވާކަން ހާމަކޮށްފައި ނުވާނެ ކަމަށާއި ނަމަވެސް ދެބޭފުޅުންގެ ވެސް ވިސްނުމާ ތާއިދު ހުރި ގޮތް ވަރަށް ސާފް ކަމަށެވެ.

އެމްޑީޕީގެ އިންތިހާބުގެ ފޯރިގަދަކަން ފާހަގަކުރައްވާ ނަޝީދު ވިދާޅުވީ ރާއްޖޭގެ ހުރިހާ ކަންކޮޅުތަކަކުން ވެސް މިހާރު ފެންނަނީ ރީނދޫ ކުލަ އަދި އެމްޑީޕީގެ ދިދަ ކަމަށެވެ. އަދި ދެކެނޑިޑޭޓުން ވާދަވެރިކަމަށް ފާހަގަކުރައްވަމުން ރައީސް ނަޝީދު ވިދާޅުވީ، "ހަގީގީ ކުލައަކީ ރީނދޫ ކުލަ" ކަމަށެވެ.