ރަޝިއާއިން ޔޫކުރެއިންގައި ކުރަމުންދާ ހަނގުރާމައަށް މިއަދަށް 2 މަސްދުވަސް ފުރިއްޖެއެވެ. މި ހަނގުރާމައަށް 2 މަސްދުވަސް މިއަދަށް ފުރިފައި ވާއިރު، މިއަދާއި ހަމައަށް، ރަޝިއާއިން ކުރިން އުއްމީދު ކުރިވަރުގެ ބޮޑު ކާމިޔާބީއެއް ހޯދިފައި ނުވާކަމަށް ބައިނަލްއަގުވާމީ މީޑިއާތަކުން ވަނީ ބުނެފައެވެ.

އިނގިރޭސި އަސްކަރިއްޔާއިން ބުނެފައިވާ ގޮތުގައި، ޔޫކުރެއިންގެ އިރުމަތީ ޑޮމްބަސް ރީޖަން ހިފުމަށް ރަޝިއާއިން މިހާރު ކުރަމުންދާ ހަގުރާމާގައި އެރީޖަންގެ ބައެއް އަވަށްތައް ރަޝިއާގެ ބާރުގެދަށަށް ގޮސްފައިވި ނަމަވެސް، ޔޫކުރެއިންގެ އަސްކަރިއްޔާއިން ދެމުންދާ ރައްދު ހަމަލާތަކުގެ ސަބަބުން ރަޝިއާގެ އަސްކަރިއްޔާއަށް ބޮޑެތި ގެއްލުންތަކެއް ލިބެމުންދާ ކަމުގައެވެ.

"ރަޝިއާގެ ސިފައިންގެ ހިތްވަރު އެލުމާއި، ކޮންމެ ހަމަލާއަކަށްފަހު އަލުން އެކުވެގަތުމަށް ލިބެމުންދާ ވަގުތުގެ ތާށިކަން ބޮޑުވުމުގެ ސަބަބުން، ރަޝިއާގެ ހަމަލާތަކަށް އެކަށީގެންވާ ކާމިޔާބީތަކެއް ލިބެމުން ނުދޭ،" އިނގިރޭސިވިލާތުން އާންމު ކޮށްފައިވާ އަޕްޑޭޓްސްތަކުގައި ހާމަކޮށްފައި ވެއެވެ.

Latest Defence Intelligence update on the situation in Ukraine – 24 April 2022

Find out more about the UK government's response: https://t.co/tFb39zzDtn

???????? #StandWithUkraine ???????? pic.twitter.com/lZE8s05wuX

— Ministry of Defence ???????? (@DefenceHQ) April 24, 2022

ޔޫކުރެއިންއަށް ރަޝިއާއިން ދޭންފެށި އުދުވާނީ ހަމަލާތަކުގައި އެގައުމުން އެންމެ ފުރަތަމަ އަމާޒަކަށް ހަދާފައިވަނީ، ޔޫކުރެއިންގެ ވެރިރަށް ހިފާ، އެގައުމުގެ ސަރުކާރު ބަދަކު ކުރުމަށެވެ. އެހެންނަމަވެސް، ޔޫކުރެއިންގެ ވަރިރަށާއި ހަމައަށް ވާސިލްވުމަށް ރަޝިއާއިން ކުރި ހަނގުރާމާގައި، ޔޫކުރެއިންގެ ރައްދު ހަމަލާތަކުގެ ސަބަބުން ރަޝިއާގެ އެތައް ސިފައިންނެއް މަރުވެ، ބޮޑެތި ގެއްލުންތަކެއް ލިބިގެން ގޮސްފައި ވެއެވެ.

އެއަށްފަހު، ރަޝިއާއިން ވަނީ، ހަގުރާމައިގެ ފުރަތަމަ މަރުހަލާ ނިމިއްޖެކަން އިއުލާންކޮށް، ދެވަނަ މަރުހަލާގެ އަމާޒަކީ، ޔޫކުރެއިންގެ އިރުމަތީ، ޑޮންބަސް ސަރަހައްދު ހިފުންކަން އިއުލާން ކޮށްފައެވެ. އަދި އެއް މަސްވަންދެން ދިން ހަމަލާތަކަށްފަހު، މިހާރު ރަޝިއާއިންވަނީ، ޔޫކުރެއިންގެ ޑޮމްބަސް ރީޖަންއާއި، 2014ވަނަ އަހަރު އެގައުމުން ހިފި، ރަޝިއާގެ ކްރައިމިއާ ގުޅުވައިދޭ ސިޓީއެއް ކަމުގައިވާ މައިރޮޕޯލް އެގައުމުގެ ބާރުގެ ދަށަށް ގެނެސްފައެވެ.