ޖަރުމަނު ބުންޑަސް ލީގުގައި، ކުޅުންތެރިޔަކު ރޯދަވީއްލުމަށް މެޗު މެދުކަނޑާލުމުން އެތައްބައެއްގެ ތަޢުރީފް ލިބިއްޖެއެވެ.
ޖަރުމަނު ބުންޑެސްލީގާ ގައި މެއިންޒް އާއި އޮގްސްބާގް ކުޅުނު މެޗުގައި މެއިންޒަށް ކުޅެމުންދާ ފްރާންސްގެ މުސްލިމް ޑިފެންޑަރު މޫސާ ނިއަޚޭޓް ރޯދައަށް ހުރިކަން އެހެން ރެފްރީއަށް އެގި މައުރިބް ނަމާދު ވަގުތު ޖެހުމުން، ވަނީ މެޗު މެދު ކަނޑާލައި އޭނާ ރޯދަ ވީއްލުމަށް ވަގުތުކޮޅެއް ހުސްކޮށްފައެވެ.
ރެފްރީ މެޗު މެދުކަނޑާލީ 65 ވަނަ މިނިޓުގައެވެ. ރޯދަ ވީއްލުމަށްޓަކައި މެޗު މެދު ކަނޑާލުމުން، މޫސާ ނިއަޚޭޓް ވަނީ މެޗުގެ ރެފްރީއަށް ޝުކުރު އަދާކޮށް، ސަލާން ކޮށްފައެވެ. އަދި ދަނޑުގައިތިބި އެތައް ހާސް ސަޕޯޓަރުންނެއް ވަނީ ރެފްރީއަށް ވަރަށް ހޫނޫ މަރުހަބާއެއް ކިޔުމުގެ ގޮތުން އަތްޖަހާފައެވެ.
މިމެޗުގައި ރޯދަ ވީއްލުމަށް މެޗު މެދު ކަނޑާލުމުން، ރެފްރީއަށް ސޯޝަލް މީޑިއާގައިވެސް އެތައް ބައެއްގެ ތައުރީފް ވަނީ ލިބިފައެވެ. ޚާއްސަކޮށް މިއީ ތަފާތު ކުރުންތަކާއި، އަދި މުސްލިމު ކުޅުންތެރިންނަށް ދޭންޖެހޭ އިހުތިރާމު ދިންކަން ދައްކުވައިދިން ވަރަށް ރީތި މިސާލެއްކަމަށް ގިނަ ބަޔަކު ދަނީ ބުނަމުންނެވެ.
މެއިންޒް އާއި އޮގްސްބާގް ކުޅުނު މިމެޗު 2-1 އިން ކާމިޔާބު ކުރީ އޮގްސްބާގް އެވެ.
