ދަރަވަންދޫ ޕޮލިސް ޑެސްކުގެ ބެލުމުގެ ދަށުގައިހުރި ބަނގުރާ ނައްތާލައިފިއެވެ.
ބަނގުރާ ނައްތާލުން ކުރިއަށް ގެންގޮސްފައިވަނީ ދަރަވަންދޫ ޕޮލިސް ޑެސްކާއި އޭދަފުށި ޕޮލިސް ސްޓޭޝަން ގުޅިގެން މި ދިޔަ މާރިޗް މަހު 31 ވަނަ ދުވަހުއެވެ.
އެގޮތުން، ނައްތައިލާފައިވަނީ 755 ފުޅި ބަނގުރާއާއި 882 ދަޅު ބިޔަރެވެ. މި ތަކެއްޗަކީ 2021 ވަނަ އަހަރުގެ އެކި ދުވަސްތަކުގައި ދަރަވަންދޫ ޑޮމެސްޓިކް އެއާޕޯޓަށް ފުރަންދިޔަ ފަތުރުވެރިންގެ އަތުން ފުލުހުންގެ ބެލުމުގެ ދަށަށް ގެނެސްފައިވާ ތަކެއްޗެވެ.
ބަނގުރާ ނައްތާލުން ކުރިއަށް ގެންގޮސްފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރާއާއި ބަނގުރާގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެ ދަށުންނެވެ.
