ބޮލީވުޑްގެ މަޝްހޫރު ދެ ތަރިން ކަމުގައިވާ ރިތިކް ރޯޝަނައި ދީޕިކާ ޕަޑުކޯން އެކުގައި ފެނިގެންދާނެ ފުރަތަމަ ފިލްމު "ފައިޓާ"ގެ ޝޫޓިންގ މި އަހަރުގެ ސެޕްޓެމްބަރު މަހު ފަށާނެ ކަމަށް ޚަބަރުތަށް ބުނެފިއެވެ.
އަންނަ އަހަރު ރިލީޒް ކުރަން ހަމަޖެހިފައިވާ މި ފިލްމު ޑައިރެކްޓު ކުރަނީ ސިދާތު އާނަންދެވެ. ފިލްމަކީ ސިދްގެ މާފްލިކްސް ބެނާ ގައި ޕްރޮޑިއުސްކުރާ ފިލްމެކެވެ.
މިއީ ރިތިކާއި ދީޕިކާ އެކުގައި ފެނިގެންދާ ފުރަތަމަ ފިލްމަށް ވުމުން މިހާރުއްސުރެ ސަޕޯޓަރުން އަނަންނީ ފިލްމަށް އިންތިޒާރު ކުރަމުންނެވެ. މިއަހަރުގެ ސެޕްޓެމްބަރު މަހު ފިލްމުގެ މަސައްކަތް ފަށަން ތައްޔާރުވާއިރު ފިލްމު ރިލީޒްކުރާނެ ތާރީހެއްވެސް މިހާރު ވަނީ ކަނޑައަޅާފައެވެ. އެއީ އަންނަ އަހަރުގެ ސެޕްޓެމްބަރު މަހުގެ 28 ވަނަ ދުވަހެވެ. މީގެ ކުރިން އަންދާޒާ ކޮށްފައި އޮތީ އަންނަ އަހަރުގެ ޖަނަވަރީ މަހު ފިލްމު ރިލީޒްކުރެވޭނެ ކަމަށެވެ.
Get ready to witness India’s first aerial action franchise, ‘FIGHTER’ in theatres on September 28, 2023.@iHrithik @deepikapadukone @AnilKapoor #SiddharthAnand @MarflixP @AndhareAjit @itsMamtaA @ramonchibb pic.twitter.com/OYHu8RnPkR
— Viacom18 Studios (@Viacom18Studios) March 10, 2022
މިދިއަ އަހަރު އިއުލާނުކޮށްފައިވާ މި، އޭރިއަލް އެކްޝަން ތްރިލާ އަކީ 250 ކްރޯޑް އިންޑިއަން ރުޕީސްގެ ބަޖެޓަކުން ހަދާ ފިލްމެކެވެ. އެހެންކަމުން މިއީ ހިންދީ ސިނަމާގެ އެންމެ އަގުބޮޑު ފިލްމުތަކުގެ ތެރޭގައި ހިމެނޭނެ ފިލްމަކަށް ވާނެއެވެ.
ރިތިކް މިހާރު އަންނަނީ "ވިކްރަމްވޭދާ"ގެ މަސައްކަތް ކުރަމުންނެވެ. އަނެއްކޮޅުން ދީޕިކާ އަންނަނީ "ޕަތާން"ގެ މަސައްކަތް ކުރަމުންނެވެ. އެހެން ކަމުން ދެ ތަރިންގެ މި ދެމަސައްކަތް ނިންމައި "ފައިޓާ"ގެ ސެޓުން ބައްދަލު ކުރާނެއެވެ.
