ބައިނަލްއަޤްވާމީ މަޝްހޫރު ބްރޭންޑްތަކެއްކަމަށްވާ “G2000” އާއި “Giordano”ގެ އޮރިޖިނަލް އުފެއްދުންތަކަށް ޚާއްޞަ ފިހާރައެއް ރާއްޖޭގައި ފުރަތަމަ ފަހަރަށް ހުޅުވައިފިއެވެ.
"ކްލެސިކް"ގެ ނަމުގައި މާލޭގައި ހުޅުވި މި ފިހާރައަކީ ކޮލެޓީ އަންނައުނު އުފެއްދުމަށް މަޝްހޫރު މި ދެ ބްރޭންޑުގެ ރާއްޖޭގެ ހަމައެކަނި އޮތޮރައިޒްޑް ޑިސްޓްރިބިއުޓަރއެވެ.
މި ފިހާރަ ހުޅުވާފައިވަނީ، ކުރީގެ ނަސަންދުރަ ހުރި ކޮށީގެ ފަހަތުގައި، އަމީރު އަޙްމަދު މަގުން އައިސް ކުރަނގި ގޯޅި ކަންމަތީގައެވެ. މި ފިހާރަ ހުކުރު ދުވަސް ފިޔަވައި ކޮންމެ ދުވަހަކުވެސް ހެނދުނު 10:00 އިން 22:00އަށް ހުޅުވިފައި ހުންނާނެކަމަށް އެ ފިހާރައިން މައުލޫމާތުދެއެވެ. ހުކުރު ދުވަހު ހުޅުވިފައި ހުންނާނީ ހަވީރު 16:00 އިން 22:00އަަށް ކަމަށްވެސް އެ ފިހާރައިން މައުލޫމާތުދެއެވެ.
"ކްލެސިކް" ފިހާރަ ރޭ ރަސްމީކޮށް ހުޅުވިނަމަވެސް މިދިޔަ އަހަރުގެ ޑިސެމްބަރ މަހުގެ 26 ވަނަ ދުވަހުން ފެށިގެން މި ފިހާރަ ނުރަސްމީކޮށް ހުޅުވައި ކަސްޓަމަރުންނަށް އަންނަނީ ޚިދުމަތް ދެމުންނެވެ. އަދި މިހާތަނަށް ކަސްޓަމަރުންގެ ފަރާތުން ވަރަށް ބޮޑު ތަރުހީބެއް ލިބެމުންދާކަން އެ ފިހާރައިން ފާހަގަކުރެއެވެ.
"ކްލެސިކް" ފިހާރަ ރަސްމީކޮށް ހުޅުވާފައިވަނީ ޚާއްޞަ ފެޝަން ޝޯވއަކާއެކު ބޭއްވި ވަރަށް ކުލަގަދަ ހަފްލާއެއްގައެވެ. މި ފިހާރަ ހުޅުވުމަށް ބޭއްވި ރަސްމިއްޔާތު ޝަރަފްވެރިކޮށްދެއްވައި ފިހާރަ ރަސްމީކޮށް ހުޅުއްވައިދެއްވީ ރާއްޖޭގެ މަޝްހޫރު ވިޔަފާރިވެރިޔާ ޝަބީރު އަޙްމަދު އެވެ.
"ކްލެސިކް" ފިހާރައިން “G2000” އާއި “Giordano”ގެ އެންމެ ފަހުގެ އުފެއްދުންތައް އަބަދުވެސް ލިބޭނެ އިންތިޒާމް ހަމަޖައްސާފައިވާއިރު، ތަކެތީގެ އަގުތައްވެސް ރާއްޖެއިން ބޭރުގައިހުރި މި ދެ ބްރޭންޑުގެ އައުޓްލެޓްތަކުން ލިބޭ އަގަށް ނުވަތަ އެއަށްވުރެވެސް ހެޔޮކޮށްފައިވާކަމަށް އެ ފިހާރައިން ބުނެއެވެ. މި ފިހާރައިން ދެ ޖިންސުގެ މީހުންނަށް ޚާއްޞަ ރަސްމީ އަދި ނުރަސްމީ އަންނައުނުވެސް ލިބޭނެއެވެ.
“G2000” އާއި “Giordano” ބްރޭންޑަކީ ދުނިޔޭގެ ގިނަ ޤައުމުތަކެއްގައި މަޤްބޫލުކަން ހޯދަމުން އަންނަ މަޝްހޫރު ދެ ބްރޭންޑެވެ. އެހެންކަމުން "ކްލެސިކް" ފިހާރަ ވެގެންދާނީ، ރާއްޖޭގެ އެކި ކަންކޮޅުތަކުގައި ތިބި ފަހުގެ ފެޝަނަށް ލޯބިކުރާ ދިވެހިންނަށް ރާއްޖެއިން ބޭރަށް ދަތުރުނުކޮށް ރާއްޖޭގައި ތިބެގެން ކޮލެޓީ އަންނައުނު ދުނިޔޭގެ މާކެޓުތަކުގައިހުރި އަގަށް ލިބޭނެ ފިހާރައަކަށެވެ.
މި ފިހާރަ ހުޅުވާފައިވަނީ އަގުހުރި އިނާމްތަކެއް ކަސްޓަމަރުންނަށާއި މުވައްޒަފުންނަށްވެސް ލިބޭނެ ގޮތަކަށެވެ. އެގޮތުން ލޯޔަލް ކަސްޓަމަރުންނަށް ޚާއްޞަ ޑިސްކައުންޓުތަކެއް ކަނޑައަޅާފައިވާއިރު ފިހާރަ ހުޅުވާ ހަފްތާގައި %22 ޑިސްކައުންޓުވެސް ލިބޭނެއެވެ. އަދި ފިހާރަ ހުޅުވާ ޕްރޮމޯޝަނުން އެއްވަނައަށް ހޮވޭ ފަރާތަކަށް 2 ރޭގެ ހުރުމާއި ހުރިހާ ޚަރަދަކާއެކު ވ.އަތޮޅަށް ޚާއްޞަ ދަތުރެއް ދިނުމަށްވެސް ވަނީ ހަމަޖެހިފައެވެ. މި ދަތުރުގައި ވ.އަތޮޅުގައި އޮންނަ މަޝްހޫރު ޝިޕްވްރެކާއި ސޭންޑް ބޭންކް އަދި ޝާކު ޕޮއިންޓަށް ދިއުމުގެ ފުރުޞަތުވެސް ލިބިގެންނާއެވެ.
"ކްލެސިކް" ފިހާރައަކީ ބައިނަލްއަޤްވާމީ ބްރޭންޑްތަކެއް ވިއްކާ ފިހާރައެއް ނަމަވެސް މި ފިހާރައިގައި މަސައްކަތްކުރާ މުވައްޒަފުންނަކީ ހުސް ދިވެހިންނެވެ.
