ބޮލީވުޑްގެ މަޝްހޫރު އެކްޓަރު ރިތިކް ރޯޝަންގެ 14 އަހަރުވީ ކައިވެނި ރޫޅުނު ފަހުން އެކި މީހުންނާއި ރިތިކާއި، އައީ އަޅުވާ ކިޔަމުންނެވެ.
ނަމަވެސް މީގެން އެއްވެސް ވާހަކަ އަކަށް އެއްވެސް އެއްޗެއް މީޑީއާގައި ރިތިކް ހާމަކޯށްފައިއެއްނުވެއެވެ.
އަނެއްކާވެސް ރިތިކް ގެ ހަޔާތަށް ބައިވެރި އައިސްފައިވާކަމަށް މީޑީއާއިން މި ވަނީ ބުނަން ފަށާފައިއެވެ. އަދި އެ ދެމީހުން އެކުގައި ޑިނާއަކަށް ފަހު ނުކުންނަނިކޮށް ޕަޕަރާޒީން ވަނީ އެމީހުން ވަށާލާ ފޮޓޯނަގައިފައިއެވެ.
ރިތިކް ލޯބީގެ ގޮތުން ގުޅިގެން އުޅެނީ އެކްޓަރެސް/ ލަވަކިއުންތެރިޔާ ސަބާ އާޒާދް އާއިއެވެ. މި ވާހަކަތަށް ފެންމަތި ވެފައި ވަނިކޮށް ރިތިކް ގެ ކުރީގެ އަނބިމީހާ ސުޒާން ހާން ވަނީ އިންސްޓްގްރާމުގައި ސަބާ ޕާފާމް ކުރަނިކޮށް ނަގާފައިވާ ފޮޓޯއެއް ހިއްސާކޮށް ވަރަށް ތައުރީފް ކޮށްފައިއެވެ.
މި ތައުރީފް ތަށް ސުޒާން ކޮށްފައިވަނިކޮށް އަނެއްކައިވެސް މި ގުޅުމަށް ބާރުލިބޭފަދަ ފޮޓޯއެއް މީޑިއާގައި ވަނީ ދައުރުވެފައިއެވެ. މި ފޮޓޯ އިންސްޓަގްރާމްގައި ޝެއާ ކޮށްފައިވަނީ ރިތިކްގެ ބޮޑު ބޭބެ އަދި މިއުޒިކް ކޮމްޕޯސާ ރާޖޭޝް ރޯޝަން އެވެ. މި ފޮޓޯގައި ރިތިކްގެ އާއިލާގެ ހުރިހާ މެމްބަރުން ނާއި އެކު ސަބާ ވެސް ހުއްޓެވެ. ފޮޓޯގައި ރިތިކް ގެ ކުދިންވެސް ތިއްބެވެ. ރާޖޭޝްގެ މި ފޮޓޯއަށް ރިތިކް އާއި ސަބާވެސް ވަނީ ކޮމެންޓްކޮށްފައިއެވެ.
މީޑީއާއިން ބުނާގޮތުގައި އެދެމީހުން ރައޓެހިވެގެން އުޅޭކަން މި ފޮޓޯއިން ރަނގަޅަށް ހާމަވާކަމަށާއި އަދި އާއިލާއިން މި ގުޅުމާއި އިންތިހާއަށް ގަބޫލުކަށް ވެސް އެނގިގެން ދާކަމަށެވެ. އަދި މިއީ މިދެމީހުން ރައްޓެހިވެގެން އުޅޭކަމުގެ ހެކި ކަމަށްވެސް ބުނެފައިވެއެވެ.
މީޑީއާގައި ދެމީހުންގެ ގުޅުމުގެ ވާހަކަ ނުދެއްކި ނަމަވެސް އެކުގައި ވަގުތު ހޭދަކުރަނިކޮށް ނަގާފައިވާ ފޮތޯތަށް ދޭތެރެ ދޭތެރެއިން އަންނަނީ މީޑީއާއަށް ތިލަވަމުންނެވެ.
