ރާއްޖޭގައި އެއް ދުވަހެއްގައި އެންމެ ގިނަ މީހުން ކައިވެނިކުރާނެ ތާރީހަށް މާދަމާ ވެއްޖެއެވެ.
މިަހަރުގެ އެންމެ ރީތި ތާރީހަކީ މާދަމާއެވެ. 22-02-22 ގެ ތާރީހުގައި މާލޭގައި އެކަނި ވެސް 87 ކައިވެނި ކުރުމަށް ވަނީ ހަމަޖެހިފައެވެ. މިއަދަދަކީ މާދަމާ މާލޭގައި އެކަނި ކުރާ ކައިވެނީގެ އަދަދަށްވާއިރު، އަތޮޅު ތެރޭގައިވެސް މާދަމަ ގިނަ އަދަދެއްގެ ބަޔަކު ކައިވެނި ކުރާނެކަމަށް ބެލެވެއެވެ.
މާދަމާ ކުރާނެ ކައިވެނި ތަކުގެ ސީދާ އަދަދު ސާފު ނުވިނަމަވެސް މާދަމާ ވެގެންދާނީ ރާއްޖޭގެ ތާރީހުގައިވެސް އެންމެ ގިނަ އަދަދަކަށް އެއްދުވަހެއގައި ކައިވެނި ކުރާ ދުވަހަކަށް ވެގެންދާނެކަމަށް ބެލެވެއެވެ. މާލޭގައި މިހާތަނަށް އެއް ދުވަހެއްގައި އެންމެ ގިނަ ބަޔަކު ކައިވެނިކުރީ 2020 ގަ އެވެ. އެއީ 20/02/2020 ކުރި 66 ކައިވެންޏެވެ.
މިއަހަރު އެންމެ ފުރަތަމަ އައި ރީތި ތާރީހަކީ މިމަހުގެ ދެވަނަ ދުވަހެވެ. އެ ދުވަހު މާލޭގައި އޮތީ 37 ކައިވެންޏެވެ. ކޮންމެ އަހަރެއްގައިވެސް ރީތި ތާރީހުތަކުގައި ކައިވެނި ކުރާ މީހުންގެ ނިސްބަތް ވަރަށް ބޮޑަށް އިތުރުވެއެވެ. މާދަމާ ވެގެންދާނީ ދުނިޔޭގައިވެސް ނިސްބަތުން އެއްދުވަހެއްގައި އެންމެ ގިނަ ކައިވެނި ކުރާނެ ދުވަސްކަމަށް ބެލެވެއެވެ.
