މަޝްހޫރު ރެޕާ ކާންޔޭ ވެސްޓް، އޭނާގެ ކުރީގެ އަންހެނުން ރިއަލިޓީ ޓީވީ ސްޓަރ ކިމް ކާޑޭޝިއަންއަށް ޓްރަކެއްގެ ރަތް ފިނިފެންމާ ފޮނުވައިފިއެވެ.
ލޯބިވެރިންގެ ދުވަހު، ކިމްގެ ގެއަށް ކާންޔޭ ފޮނުވި ރަތް ފިނިފެން މަލުގެ މި ބޮޑު ބޮކޭ ބޮޑުކަމުން ފޮނުވި ޓްރަކެއްގައެވެ. އަދި ޓްރަކުގެ އަރިމަތީގައި "މައި ވިޝަން އިޒް ކްރިސްޓަލް ކްލިއާ" ޖަހާފައި ވެއެވެ.
ކިމް ވަރިކުރި ފަހުން ކާންޔޭ އަންނަނި ކިމް އަނބުރާ ހޯދުމަށް މަސައްކަތް ކުރަމުންނެވެ. ނަމަވެސް އަދިވެސް ކިމްގެ ފަރާތުން އެދެވޭ ޖަވާބެއް ކާންޔޭ އަކަށް ނުލިބެއެވެ. ވަރިއަށް ފަހު ކިމް ވަނި ޕީޓާ ޑޭވިޑްސަނާ ލޯބީގެ ގޮތުން ގުޅިގެން އުޅޭކަން އިއުލާން ކޮށްފައެވެ.
އަދި ހަމަ އެހެންމެ ކާންޔޭ ވެސް ވަނީ ޖޫލީއާ ފޮކްސްއާ ލޯބީގެ ގޮތުން ގުޅިގެން އުޅޭކަން ހާމަކޮށްފައެވެ. މި ދެމީހުންގެ ގުޅުން ހާމަކުރިތާ މަހެއް ނުވެ އެދެމީހުންގެ ގުޅުން މިހާރު ނިމިފައިވާކަން ވަނީ އިއުލާން ކޮށްފައެވެ.
ކާންޔޭ އާއި ކިމް ކައިވެނިކޮށްގެން އެކުގައި ހޭދަކުރި 7 އަހަރުގެ ތެރޭގައި މިދެމީހުންނަށް ވަނި 4 ކުދިން ލިބިފައެވެ.
