މަޝްހޫރު ލަވަކިޔުންތެރިޔާ/ މިއުޒިކް ކޮމްޕޯޒާ ބައްޕީ ލެހެރީ މަރުވެއްޖެއެވެ.
އިންޑިއާގެ ޑިސްކޯ މިއުޒިކް ގެ "ބައްޕަ" ގެ ގޮތުގައި މަޝްހޫރު ލަވަކިއުން ތެރިއާ މަރުވެފައިވަނީ މިއަދުގެ ވަގުތެއްގައިއެވެ. 63 އަހަރުގެ ބައްޕީ މަރުވީ މުމްބާއީގެ ކްްރިޓީކެއާ ހޮސްޕިޓަލްގައެވެ. އޭނާ މަރުވެފައިވަނީ ސިއްހީ ގިނަ ބަލިތަކަަކަށްފަރުވާ ދެމުން ގެންދަނިކޮށެވެ. އޭނާއަށް ހޮސްޕިޓަލުގައި ފަރުވާ ދެމުން ގެންދާތާ މަހެއްހައި ދުވަސް ވެއްޖެއެވެ.
ހޮސްޕިޓަލުގެ ޑައިރެކްޓަރ ޑޮކްޓަރ ދީޕަކް ނަމްޖޯޝީ ބުނިގޮތުގައި ބައްޕީ މަރުވެފައިވަނީ ނިދަން އުނދަގޫވުމުގެ މައްސަލައެއް ކަމަށްވާ އޮބްސްޓްރަކްޓިވް ސްލީޕް އެޕްނިއާގައެވެ.
ބައްޕީ އަކީ 90އާއި 80 ގެ އަހަރުތަކުގައި ވަރަށް މަގުބޫލު މީހެކެވެ. "ޗަލްތޭ ޗަލްތޭ"، "ޑިސްކޯ ޑާންސަރ"، "ޝަރާބީ" "ޖިމީ ޖިމީ އާޖާ އާޖާ"، "ޔާރު ބިނާ ޗޭން ކަހަ ރޭ"، "އޫ ލާ ލާ" ފަދަ ލަވަތަކަކީ އޭނާގެ މަޝްހޫރު ލަވަތަކެވެ. ބައްޕީ އެންމެ ފަހުން ކިޔާފައިވާ ލަވައަކީ 2020 ވަނަ އަހަރު ނިކުތް ފިލުމު "ބާޣީ 3″ ގެ "ބަންކާސް" ލަވައެވެ.
އެންމެފަހުން ބައްޕީ ލެހެރީ ސްކްރީނުން ފެނިފައި ވަނީ މިދިޔަ މަހު ނިންމާލި އިންޑިއާގެ އެންމެ ބޮޑު ރިއަލިޓީ ޝޯ "ބިގް ބޮސް 15″ ގައި ކާފަ ދަރިފުޅުގެ ލަވަ "ބައްޗާ ޕާޓީ" ޕްރޮމޯޓް ކުރުމަށެވެ. ބައްޕީ މަރުވުމާއި ގުޅިގެން ގިނަ ބަޔަކު އަންނަނީ އޭނާ އަށް ތައުޒިޔާ ފޮނުވަމުންނެވެ.
