މަލައިކާ އަރޯރާ އާއި އޭނާގެ ކޮއްކޮ އަމްރިތާ އަރޯރާ ވަނީ ރޭގައި ޑިނާ ޑޭޓަކަށް ގޮސްފައެވެ. މިއީ ބޮލީވުޑްގެ "ސިބްލިން ގޯލްސް" ކަމަށް ގިނަ ބަޔަކު ގަބޫލުކުރެއެވެ.
މިދެމީހުން އެކުގައި ޑިނާ ކުރުމާއި ޗުއްޓީ ކުރުމާ ވިޔަފާރި ކުރުން ވެސް އޮވެއެވެ. އެހެން ކަމުން މި ދެމެދުގައި އޮންނަނީ ވަރަށް ގާތް ގުޅުމެއް ކަމަށް ގިނަބަޔަކު ބުނެއެވެ.
މަލައިކާ އާއި އަމްރިތާ މި ޑިނާ ޑޭޓަށް ފަހު ވަނީ މީޑިއާއަށް ފޮޓޯ ނެގުމުގެ ފުރުސަތު ދީފައެވެ. ނަމަވެސް މަލައިކާ ލައިގެން ހުރި ޕޭންޓްސް ނުވަތަ ހަރުވާޅު އެކަކަށް ވެސް ކަމަކު ނުދިއައެވެ. އެހެން ކަމުން ސޯޝަލް މީޑިއާގައި ވަނީ އޭނާއަށް ވަަރަށް ބޮޑަށް މަލާމާތް ރައްދުވެފައެވެ.
View this post on Instagram
އެއްބަޔަކު ބުނީ އެފަދަ ގަޔަށް ބާރު އެއްޗެއް ލީނަމަވެސް މުސްކުޅި ކަމަކަށް ބަދަލެއް ނާންނަ ކަމަށެވެ. 48 އަހަރުގެ ތަރީގެ އުމުރާ ގުޅޭގޮތުން ފާޑުފާޑުގެ މަލާމާތް ރައްދުވާން ފެށީ އޭނާ އަށް ވުރެ އުމުރުން ހަގު އެކްޓަރ އަރުޖުން ކަޕޫރާ ލޯބީގެ ގޮތުން ގުޅުމާ އެކުގައެވެ.
އަނެއް ބަޔަކު ބުނަނީ އެ ހަރުވާާޅު ލުމަށް ކުރި މަސްތަކަށްވުރެ އެ ބާލަން އުފުލަން ޖެހޭ ބުރަ މާ ބޮޑު ވާނެކަމަށެވެ. އަދި ބައެއް މީހުން ވަނީ ކިމް ކާޑޭޝަން ކޮޕީ ކުރަނީ ކަމަށާއި އެހެން ނުހެދުމަށް ވެސް ގޮވާލައިފައެވެ.
ގިނަ ބަޔަކު ވަނީ ހިތްހަމަ ނުޖެހިގެން ވަރަށް މަލާމާތް ކޮށްފައިއެވެ. އަދި އަމްރިތާގެ ހެދުމާއި ބެހޭގޮތުން ވެސް ބައެއް މީހުން ވަނީ ކޮމެންޓް ކޮށްފައެވެ. އެހާ މުއްސަނދި އިރުވެސް ހަފްތާއެއް ވަންދެން ލަނީ އެންމެ ހެދުމެއް ކަމަށް ބުނެ ވަނީ މަލާމާތް ކޮށްފައެވެ.
ނަމަވެސް އެމީހުންގެ ހެދުން އެޅުން ރީތި ކަމަށާއި ބައެއް މީހުން ހަސަދަވެރި ވަނީ ކަމަށް ބުނެ ވެސް އެއްބަޔަކު ވަނީ އެމީހުންގެ ދިފާއުގައި ވަހަކަދައްކާފައެވެ.
