7 ފެބުރުއަރީ 2012ގައި ވެރިކަން ބަދަލުވި ދުވަހަކީ ދިވެހިންގެ ނަޞްރުގެ ދުވަހެއްގެ ގޮތުގައި ކުރީގެ ޓެލެކޮމިއުނިކޭޝަން މިނިސްޓަރ މުޙައްމަދު މަލީޙް ޖަމާލް ސިފަކުރައްވައިފިއެވެ.
މިއަދަކީ ފެބުރިއަރީ 7، 2012 ގައި ވެރިކަން ވެއްޓުނުތާ 10 އަހަރު ވީ ދުވަހެވެ. މިދުވަހާއި ގުޅޭގޮތުން މަލީހު ކުރެއްވި ޓްވީޓްގައި ވަނީ އެދުވަހަކީ ފަހުގެ ތާރީޚުގެ ދިވެހިންގެ މިނިވަންދުވަސްކަމަށް ވިދާޅުވެފައެވެ. ވެރިކަން ބަދަލުކުރުމުގެ އިސްކޮށް އުޅުނު މީހުންނަކީ އޭރުގެ އެމްޑީޕީ ސަރުކާރުގެ އަނިޔާވެރިކަމާއި ކޮރަޕްޝަން އަދި ޤައުމުގެ ހަރު މުދާ ވިއްކުން ހައްދު ފަހަނައަޅާ ވެރިންގެ އަޚުލާޤު ހައްދުން ނެއްޓި ޤައުމު ނުރައްލަކަށް ވައްޓާލި ވަޤުތު ޤައުމު ސަލާމަތް ކުރި ފަހުލަވާނުންކަމަށްވެސް މަލީހު ވިދާޅުވިއެވެ.
ފަހުގެ ތާރީޚުގެ ދިވެހިންގެ މިނިވަންދުވަސް. އޭރުގެ އެމްޑީޕީ ސަރުކާރުގެ އަނިޔާވެރިކަމާއި ކޮރަޕްޝަން އަދި ޤައުމުގެ ހަރު މުދާ ވިއްކުން ހައްދު ފަހަނައަޅާ ވެރިންގެ އަޚުލާޤު ހައްދުން ނެއްޓި ޤައުމު ނުރައްލަކަށް ވައްޓާލި ވަޤުތު ޤައުމު ސަލާމަތް ކުރި ފަހުލަވާނުން.
7.2.2012 pic.twitter.com/3B7NC70yxK— Mohamed Maleeh Jamal (@maleehjamal) February 6, 2022
މަލީހު ވިދާޅުވީ، ދިވެހިރާއްޖޭގެ ޑިމޮކްރަސީއަށް ރައީސް ނަޝީދު ކުރެއްވި މަސައްކަތަށް ވުރެ އެމަނިކުފާނުގެ ސަބަބުން ލިބުނު ގެއްލުން މަާބޮޑުކަމަށެވެ. އޭގެ ތެރެއިންވެސް 8 ފެބުރުއަރީއަކީ އެމަނިކުފާނު މިޤައުމުގައި ހުޅުޖަހާ ދައުލަތުގެ އެތައް މުދަލަކާ ލިޔެކިއުންތައް އަންދާލި ދުވަސްކަމަށްވާއިރު، އެކަން ތަހުޤީޤު ނުކުރެވޭކަމަށްވެސް މަލީހު ވިދާޅުވިއެވެ.
ދިވެހިރާއްޖޭގެ ޑިމޮކްރަސީއަށް ރައީސް ނަޝީދު ކުރެއްވި މަސައްކަތަށް ވުރެ އެމަނިކުފާނުގެ ސަބަބުން ލިބުނު ގެއްލުން މަާބޮޑު. އޭގެ ތެރެއިންވެސް 8 ފެބުރުއަރީއަކީ އެމަނިކުފާނު މިޤައުމުގައި ހުޅުޖަހާ ދައުލަތުގެ އެތައް މުދަލަކާ ލިޔެކިއުންތައް އަންދާލި ދުވަހެއް. އެކަން ތަހުޤީޤު ނުކުރެވޭ. pic.twitter.com/CIfL1YZUWL
— Mohamed Maleeh Jamal (@maleehjamal) February 7, 2022
2012ވަނަ އަހަރުގެ ފެބްރުއަރީ މަހުގެ ފެބްރުއަރީ މަހުގެ 7 ވަނަ ދުވަހާއި އޭގެ ޖެހިގެން އައި 8 ވަނަ ދުވަހަކީ ދިވެހި ރާއްޖޭގެ ތާރީޚުގައި އެތައް ގޮތަކުން ފާހަގަކޮށްލަން ޖެހޭ ދެ ދުވަހެވެ. މިގޮތުން ފެބުރުއަރީ މަހުގެ 7ވަނަ ދުވަސް ފާހަގަ ކޮށްލަން ޖެހެނީ އެއީ ދިވެހިރާއްޖޭގެ ފަހުގެ ތާރީޚެއްގައި، ޑިމޮކްރަސީގެ އުސޫލުން އިންތިޚާބު ވެފައި އޮތް ސަރުކާރެއް، ސިޔާސީ ހަމަނުޖެހުންތަކާއި، ސަލާމަތީ ބާރުތަކުގެ މެދުގައި އުފެދިގެންދިޔަ ބޮޑެތި ޚިޔާލު ތަފާތުވުންތަކަށްފަހު، ވެއްޓިގެން ދިޔަ ދުވަސް ކަމަށް ވާތީވެސް މެއެވެ.
2012ވަނަ އަހަރުގެ ފެބްރުއަރީމަހުގެ 7 ވަނަ ދުވަހު، އޭރުގެ ރައީސް މުހައްމަދު ނަޝީދު އަމިއްލަފުޅަށް ރައީސްކަމުން އިސްތިއުފާ ދެއްވާފައިވަނީ، އޭރުގެ ވެރިކަމާއި ދެކޮޅަށް އިދިކޮޅު ސިޔާސީ ފަރާތްތަކުން އެތައް ދުވަހެއްވަންދެން ކުރިޔަށްގެންދިޔަ ސިޔާސީ ގިނަ ހަރަކާތްތަކާއި މުޒާހިރާތަކަށް ފަހުއެވެ. އަދި ވަކީން ޚާއްސަކޮށް، އޭރުގެ ސަރުކާރުން، ކުރިމިނަލް ކޯޓުގެ އިސް ގާޒީއެއްގެ ގޮތުގައި ހުންނެވި އަބުދުﷲ މުހައްމަދު ހައްޔަރުކޮށް އާރަށުގައި އެކަހެރިކޮށް ބަންދު ކުރުމާއި ގުޅިގެން، ސަރުކާރާ ދެކޮޅަށް މެދު ނުކެނޑި ކުރަމުން ދިޔަ މަޝްހޫރު "22 ދުވަހުގެ މުޒާހިރާ"ތަކަށް ފަހުގައެވެ.
އަދި ހަމަ އެއާއެކު، 2012ވަނަ ދުވަހު އޭރުގެ ރައީސް މުހައްމަދު ނަޝީދު އިސްތިއުފާ ދެއްވުމުގެ ކުރިން، ފުލުހުންނާއި ސިފައިންގެ ތެރޭގައި އޮތް އެއްބައިވަންތަކަމަށް ބުރޫއަރާ، ސަލަމަތީ ބާރުތަކުގެ މެދުގައި އޮންނަންޖެހޭ ޗެއިން އޮފް ކޮމާންޑު ގެއްލި، ސިފައިންނާއި ފުލުހުންގެ ބައެއް ފައުޖުތައް އޭރުގެ ސަރުކާރާ ދެކޮޅަށް އަޑު އުފުލާފައިވެއެވެ.
