ދީޕިކާ ޕަޑްކޯންގެ "ގެހެރާއިޔާ" އަކީ މި އަހަރު އެންމެ އުންމީދީ އެއް ފިލްމެވެ. ފިލްމުގެ ޝޫޓިންގ ފެށުމާ އެކުވެސް މި ފިލްމުގެ ތަފާތުކަން އައީ މީޑިއާއިން ރިޕޯޓް ކުރަމުންނެވެ.
ޝޫޓިންގެ ފުރަތަމަ ދުވަހުން ފެށިގެން ޚަބަރުތަކުގެ ފަލަ ސުރުހީން މި ފިލްމު އައީ ޖާގަ ހޯދަމުންނެވެ.
ޑައިރެކްޓަރ ޝަކުން ބަތުރާގެ މި ފިލްމަކީ ދީޕިކާ މިހާތަނަށް ކުޅުނު އެންމެ "ބޯލްޑް" ރޯލު ފެނިގެން ދާނެ ފިލްމެވެ. ފިލްމުގައި މުހިންމު ރޯލުތަކުން ދައިރިޔާ ކަރްވާ، ސިދާންތު ޗަތުރުވެދީ، އަދި އަނައްނިޔާ ޕާންޑޭ ފެނިގެން ދާނެއެވެ.
މި ފިލްމަކީ ލޯބީގެ ކުޅިގަނޑު ވަރަށް ބޮޑު ފިލްމެކެވެ. އަދި ގައިގޯޅީ މަންޒަރުތަށް ވެސް ގިނަ ފިލްމެކެވެ. އެކަން މި ފިލްމްގެ ގެ ޓްރެއިލާއިން ވެސް އެނގިގެން ދިޔައެވެ. ޓްރެއިލާ އާންމު ކުރުމާއެކު މި ފިލްމު ބަލާލުމަށް ބެލުންތެރިން ވަނީ ކެތް މަދުވެފައެވެ.
ޓްރެއިލާއަށް ފަހު މިހާރު މިވަނީ ފިލްމުގެ ޓައިޓަލް ސޯންގް ވެސް ރިލީޒް ކޮށްފައެވެ. މި ފިލްމު ޕްރިމިއާ ކުރަނީ މިމަހުގެ 11 ވަނަ ދުވަހު އެމެޒަން ޕްރައިމް ވީޑިއޯ އިންނެވެ.
މި ފިލްމުގައި ދީޕިކާ ފެނިގެން ދާނީ ފިޓްނެސް ޓްރެއިނަރ އެއްގެ ގޮތުގައެވެ. މީގެ އިތުރުން ދީޕިކާ އަކީ ކައިވެނިކޮށްގެން ހުރެ ވެސް، އޭނާގެ ދެބެންގެދެދަރި ކޮއްކޮގެ ލޯބިވެރިޔާއާ ސިއްރު ގުޅުމެއްބާއްވާ އަޑިނޭނގޭ މީހެކެވެ.
