މާލެ ސަރަހައްދުގައި ކުއްލި ގޮތަކަށް ސަލާމަތީ ބާރުތަކުން ފެށި ޚާއްސަ އޮޕަރޭޝަނަކީ ކީއްކުރަން، ކޮން މަޤުސަދަކު ފެށި އޮޕަރޭޝަނެއްކަން ރައްޔިތުންނަށް ސާފުވާންޖެހޭ ކަމަށް ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
މާލެ ސަރަހައްދުގައި ކުއްލި ގޮތަކަށް ސަލާމަތީ ބާރުތަކުން ފެށި އޮޕަރޭޝަނާއި ގުޅިގެން ސައީދު ވިދާޅުވީ އަތޮޅު ތެރޭގެ އެތައް ރައްޔިތުންނެ މާލެއައިސްފައިވާ މިދުވަސްވަރު ކުއްލި ގޮތަކަށް މިފަދަ އޮޕަރޭޝަނެއް ކުރިއަށް ގެންދާ ސަބަބެއް ސާފުވާންޖެހޭކަމަށެވެ. އަދި މިއީ މިހާ ނުރައްކާހުރި ކަމެއްކަމަށް މިކަމުގެ ތަފްސީލް މަޖިލީހުގެ ސަލާމަތީ ޚިދުމަތްތަކާއި ބެހޭ ކޮމިޓީއަށް ސާފުކޮށްދޭންޖެހޭކަމަށް ސައީދު ވިދާޅުވިއެވެ.
އަތޮޅުތެރޭގެ އެތައް ރައްޔިތުންނެއް މާލޭގައި ކުއްލިގޮތަކަށް ތާށިވާގޮތައް ސަލާމަތީގޮތުން މިފަދަ ކުއްލިޙާލަތައް މާލެ ތެރެއަށް އަންނަންޖެހުނު ސަބަބު ރައްޔިތުންނަށް އޮޅުންފިލުވައިދިނުމަށް ސަރުކާރައްގޮވާލަން. އެފަދަ ޙާލަތެއް އޮތްނަމަ މަޖިލިސްގެ ސަލާމަތާއިބެހޭ ކޮމެޓީގެ ސަމާލުކަމަށް ގެނެވެންޖެހޭ.
– ސައީދު ވިދާޅުވިއެވެ.
އަތޮޅުތެރޭގެ އެތައްރައްޔިތުންނެއް މާލޭގައި ކުއްލިގޮތަކަށް ތާށިވާގޮތައް ސަލާމަތީގޮތުން މިފަދަކުއްލިޙާލަތައް މާލެތެރެއަންނަންޖެހުނުސަބަބު ރައްޔިތުންނަށް އޮޅުންފިލުވައިދިނުމަށް ސަރުކާރައްގޮވާލަން.އެފަދަ ޙާލަތެއް އޮތްނަމަ މަޖިލިސްގެ ސަލާމަތާއިބެހޭ ކޮމެޓީގެސަމާލުކަމަށް ގެނެވެންޖެހޭ. pic.twitter.com/IWZLno5BQP
— Mohamed Saeed (@em_saeed) January 10, 2022
ރޭ ދަންވަރުގެ ވަގުތެއްގައި ފުލުހުންގެ މުއައްސަސާއާއި ގައުމީ ދިފާއީ ބާރުން ނެރެފައިވާ ބަޔާނުގައި ވިދާޅުވީ "ގުޅިގެން" މި ނަމުގައި މިއޮޕަރޭޝަން އިއްޔެއިން ފެށިގެން ކުރިއަށް ދާނެކަމަށެވެ. އެ އޮޕަރޭޝަން ހިންގަމުންދާއިރު ރައްޔިތުންގެ ފަރާތުން ލިބޭ އެއްބާރުލުމަށް ސަލާމަތީ ބާރުތަކުން ވަނީ ޝުކުރު އަދާކޮށްފައެވެ.
މި އޮޕަރޭޝަން ހިންގަމުންދަނީ ސީދާ ކޮން ކަމަކާއި ގުޅިގެން ކަމެއް ސަލާމަތީ ބާރުތަކުން ހާމައެއް ނުކުރައްވައެވެ. ދާދިފަހުން ވިލިމާލެއިން ހަރުކަށި ފިކުރު ފަތުރާ ކަމަށް ތުހުމަތު ކުރެވޭ މީހަކު ހައްޔަރުކޮށްފައިވާ ކަމަށް ބައެއް މީޑިއާތަކުގައި ރިޕޯޓްކޮށްފައިވެއެވެ. ނަމަވެސް އެކަމާ ގުޅިގެން ފުލުހުން އެއްވެސް އެއްޗެއް ހާމަކޮށްފައެއް ނުވެއެވެ.
ކޮމެންޓު ފޮނުވާ