ގިނަ ބައެއްގެ މަގުބޫލްކަން ހޯދާފައިވާ ބޮލީވުޑްގެ މަޝްހޫރު މިއުޒިކް ޕްރޮޑިއުސަރ އަދި ލަވަކިޔުންތެރިޔާ އަންކިތު ތިވާރީ ރާއްޖޭގައި ޝޯ ދިނުމަށް ހަމަޖެހިއްޖެއެވެ.
އަންކިތަކީ ބޮލީވުޑްގެ ފިލްމުތަކަށް ރީތި ލަވަތަކެއް ކިޔައިދީފައިވާ ފަންނާނެކެވެ. އޭނާގެ ގިނަ ފޭނުން ތަކެއް ރާއްޖޭގައިވެސް އުޅެއެވެ. އަންކިތު ލަވަ ހުށަހަޅައިދިނުމަށް ހަމަޖެހިފައިވަނީ މި ޑިސެމްބަރު މަހުގެ 31 ވާ ހުކުރު ދުވަހު ހުޅުމާލެ ދުވާ ޓްރެކް ސަރަހައްދުގައި ބާއްވާ އާ އަހަތުގެ ޝޯގައެވެ.
ޔޫތު މިނިސްޓްރީ އިން އިންތިޒާމް ކުރާ މި ޝޯގައި އަންކިތުގެ އިތުރުން ބައެއް ދިވެހި އާޓިސްޓުންގެ ވެސް ބައިވެރިވާނެއެވެ. ޔޫތު މިނިސްޓަރ އަޙްމަދު މަހުލޫފް ވަނީ މިކަން ކަށަވަރު ކޮށްދިނުމުގެ ގޮތުން ޓްވީޓެއްވެސް ކޮށްފައެވެ.
#NewYear2022 with @officiallyAnkit & Maldivian artists.
31 Dec 2021 @ Hulhumale Running Track
⏰20:30An event by @MoYSCEmv
Supported by:@TeamFenaka@MTCCPlc@Portmv@OoredooMaldives@Dhiraagu@MWSC_Official@STELCOMALDIVES@stoplc@MoTmv@MaldivianAero
DAMAS#މަރުހަބާވީސް pic.twitter.com/zlBvwUH1Uf— Ahmed Mahloof (@AhmedMahloof) December 27, 2021
އަންކިތުގެ ލަވަތަކުގެ ތެރެއިން އާންމުން އެންމެ ބަލައިގަތް ލަވަތަކުގެ ތެރޭގައި 2013 ވަނަ އަހަރުގެ ފިލްމު "އާޝިގީ 2″ ގެ "ސުންރަހާ ހެ ނާ" އާއި 2014ގެ ފިލްމު "އޭކް ވިލަން"ގެ "ގަލިޔާ" ފާހަގަކޮށްލެވެއެވެ. މީގެތެރެއިން ގަލިޔާ ލަވަޔަށް ވަނީ އޭނާއަށް ފިލްމްފެއަރ އެވޯޑްވެސް ލިބިފައެވެ.
