މޮޔޮނުގޮވައި ރާއްޖޭގައި ތިބި އިންޑިއާގެ ސިފައިން ރާއްޖެއި ބޭލުމަށް ބާރު އެޅުމަށް އައްޑޫ ސިޓީގެ މޭޔަރު އަލީ ނިޒާރަށް، ރައްޔިތުންގެ މަޖިލީހުގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ގޮވާލައްވައިފިއެވެ.
ވެރިކަމަށް އަންނަން ބޭނުންނަމަ ރަނގަޅު ސިޔާސަތެއް އެކުލަވާލާ ކެމްޕެއިން ކުރުމަށް އައްޑޫ ސިޓީގެ މޭޔަރު އަދި ކުރީގެ އައްޑޫ ހިތަދޫ ދެކުނު ދާއިރާގެ މެންބަރު ޢަލީ ނިޒާރުވަނީ އިދިކޮޅު ފަރާތްތަކަށް ގޮވާލާފައެވެ. ނިޒާރުގެ މިވާހަތަކަށް ރައްދު ދެއްވަމުން ސައީދު ވިދާޅުވީ ކޮންމެ ޤައުމެއްގައިވެސް ހުރަސް ނުކުރެވޭނެ ރޮނގެއް ހުރިކަން ގަބޫލު ކުރަންޖެހޭ ކަމަށެވެ.
ތިމާގެ އަމިއްލަ ވިސްނުމަށް ވިސްނާލައިގެންވެސް ގަބޫލުކުރަންޖެހޭ ހަގީގަތްތަކަކީ ސިޔާސީ ކުރަންޖެހޭ ކަމެއް ނޫންކަމަށާއި، ޤައުމީ މައްސަލަތަ ތަކުގައި ހައްގުބަސް ބުނަން ކެރުމަކީ ކުރަންޖެހޭ ކަމެއްކަމަށް ސައީދު ވިދާޅުވިއެވެ. މިފަދަ ކަންކަމުގައި ބޭކާރު ވާހަކަ ދެއްކުމަށްވެސް ޤައުމީ މަސްލަހަތު އިސްކުރުން މުހިންމު ކަމަށް ސައީދު ވިދާޅުވިއެވެ.
މޮޔަނުގޮވާ "ޔޫޓީއެފް އެއްބަސްވުން ބާއްލަވާ! މޮޔަނުގޮވާ އިންޑިއާ ސިފައިން ރާއްޖޭގައި ތިބުން" ކުށްވެރިކުރައްވާ! ހުރަސް ނުކުރެވޭނެ ރޮނގެއް ކޮންމެ ޤައުމެއްގައިވެސް ހުންނާނެ ނޫންތޯ؟
– ސައީދު ވިދާޅުވިއެވެ.
ރާއްޖޭގައި ތިބި އިންޑިއާ ސިފާއިން ބޭލުމަށް ގޮވާލައި، އިދިކޮޅު ލީޑަރު ރައީސް ޔާމީނާއިއެކު ވަރުގަދަ ހަރަކާތްތަކެއް ވަނީ ވަނީ މުޅި ރާއްޖޭގައި ފަށާފައެވެ.
ރައީސް ޔާމީން އިސްނަންގަވައިގެން ކުރިއަށްގެންދާ އިންޑިއާ އައުޓް ހަރަކާތް ވެފައިމިހާރު ވަނީ ޤައުމީ ހަރަކާތަށެވެ. މި ހަރަކާތުގައި ބައިވެރިވާ މީހުންގެ ޢަދަދު ދުވަހުން ދުވަހަށް އިތުރުވަމުން އަންނަކަމަށް ބައެއް ފަރާތްތަކުން ބުނެއެވެ. އަދި މި ހަރަކާތުގެ ޚަބަރުތައް ބޭރުގެ ބައެއް މީޑިއާތަކުންވެސް ފަހަކަށް އައިސް ދަނީ ރިޕޯޓްކުރަމުންނެވެ.
އިންޑިއާ އައުޓް ކެމްޕެއިން ހިންގުމުގައި އުޅުއްވާ ޕީއެންސީގެ ރައީސް އަބްދުއްރަހީމް ވިދާޅުވީ މިހަރަކާތަކީ ދެން ހުއްޓުވޭނެ ހަރަކާތެއް ނޫންކަމަށެވެ. ދިވެހި އެތައް ރައްޔިތުން މިހަރަކާތާއި ގުޅި އިންޑިއާގެ އަސްކަރީ ސިފައިން ރާއްޖެއިން ބޭލުމަށް ހިންގާ ހަރަކާތަކީ މަދު ބަޔަކު ހިންގާ ހަރަކާތެއްކަމަށް ބުނި ނަމަވެސް މިހާރު މިއީ ކިހާ ބަޔަކު ހިންގާ ކިހާބޮޑު ހަރަކާތެއްކަން ސަރުކާރަށް އެނގޭނެކަމަށެވެ.
