"މަޒްލޫމް"ގެ ނަމުގައި އައި ފިލްމްސް އިން ގެނެސްދޭ ކުރު ފިލްތަކުގެ ތެރެއިން ހަތަރު ވަނަ ޗެޕްޓަރުގެ ނަމާއި ފަސްޓް ލުކް ދައްކާލައިފިއެވެ.
"ހިންތަ" ގެ ނަމުގައި ގެނެސްދޭ މި ކުރު ފިލްމަކީ "މަޒްލޫމް" ސިލްސިލާގެ ފަހު ޗެޕްޓަރެވެ.
ޑައިރެކްޓަރު އިލްޔާސް ވަހީދު (އިއްލެ)ގެ އައި ފިލްމްސް އާއި ކަޒްމިކް އިންޓަނޭޝަނަލް ގުޅިގެން ގެނެސްދޭ މި ކުރު ފިލްމު ސިލްސިލާ ގިނަބަޔަކަށް ވަނީ ވަރަށް ކަމުގޮސްފައެވެ.
މީގެ ކޮންމެ ޗެޕްޓަރެއްގައި ވެސް ފެނިގެން ދަނީ މުޖުތަމައުގައި ހިނގާ ކޮންމެވެސް ނޭދެވާ ކަންތައްތަކެކެވެ.
މި ސިލްސިލާގެ ފަހު ޗެޕްޓަރގެ މުހިންމު ރޯލުތަކުން ފެނިގެން ދާނީ މަރްޔަމް އައްޒަ، ޢާއިޝަތު ޢަލީ، ސިމްބާ، ރަވީ ފާރޫޤް، އަލީ އުސާމް (ދޮނާ)ގެ އިތުރުން ޢާއިޝަތު ލަހުފާ (ލަހޫ) އެވެ.
View this post on Instagram
"ހިންތަ" ވެސް ނެރުމަށް ހަމަޖެހިފައިވަނީ ބައިސްކޯފު މެދުވެރިކޮށެވެ. "ހިންތަ" ގެ ޕޯސްތަރުވެސް މިހާރު ދައްކާލައިފާ ވާއިރު މި ފިލްމް ގެ ޓީޒާއެއް ވެސް ވަނީ އާންމުކޮށްފައެވެ. މި ފިލްމު ވަރަށް އަވަހަށް ބެލުންތެރިންނަށް ފެނިގެން ދާނެއެވެ. ނަމަވެސް ތާރީހު އަދި އިއުލާން ކޮށްފައެއް ނުވެއެވެ.
