އައިލެންޑް އޭވިއޭޝަން ސާވިސްގެ މޯލްޑިވިއަންގެ ދެ މުވައްޒަފަކަށް ތޫނު އެއްޗަކުން ހަމަލާ ދީ ޒަހަމް ކޮށްލައިފިއެވެ.
ފުވައްމުލަށް އެއާޕޯޓުގައި މަސައްކަތް ކުރާ އެ ކުންފުނީގެ ދެ މުވައްޒަފުން އަތުން ފޭރި ޒަހަމްކޮށްލާފައިވަނީ ސޭލްސް ނިންމުމަށްފަހު ބެންކަށް ފައިސާ ޖަމާކުރަން ދިޔަ ވަގުތު ކަމަށެވެ. މޯލްޑިވިއަން އިން ބުނީ، އެ ދެ މުވައްޒަފުންނަށް ހޮސްޕިޓަލުގައި ފަރުވާ ދިނުމަށްފަހު މިހާރު ގެއަށް ދޫކޮށްލާފައިވާ ކަމަށާއި އެ މައްސަލަ ފުލުހުންގެ ސަމާލު ކަމަށް ގެނެވިފައިވާނެ ކަމަށެވެ.
އެ ހަމަލާގައި ހުރިހާ ފައިސާއެއް ވެސް ފޭރިގެންފައި ވެއެވެ. އެ މީހުންގެ އަތުގައި ހުއްޓާ ފޭރިގެންފައި ވަނީ 93850 ރ. އާއި 448 އެމެރިކާ ޑޮލަރެވެ.
މި މައްސަލައިގައި އަދި މީހަކު ހައްޔަރު ނުކުރާ ކަމަށާއި މައްސަލަ އިތުރަށް ތަހުގީގު ކުރަމުން އަންނަ ކަމަށް ފުލުހުން ބުންޏެވެ.
