ސްކްރީން ރައިޓިން ވޯކްޝޮޕެއްގައި ބައިވެރިވުމުގެ ފުރުސަތު ނެޝަނަލް ސެންޓަ ފޯ ދި އާޓްސް (އެންސީއޭ)އިން ހުޅުވާލައިފި އެވެ.

މި ކޯހުގެ މަގުސަދަކީ ތަފާތު ސްކްރީން އަދި ޖޮންރާތަކަށް ސްކްރިޕްޓު ލިޔާނެ ލިޔުންތެރިން އުފެއްދުމާއި, ސްކްރީން ރައިޓިންގ ގެ ދާއިރާ ގައި މަސައްކަތްކުރާ ފަރާތްތަކަށް މިފަންނު އިތުރަށް ތަރައްގީކޮށް ޕްރޮފެޝަނަލް ލެވަލްއެއްގައި މިކަން ކުރާނޭ ގޮތުގެ މަޢުލޫމާތު ހިއްސާކުރުމެވެ.

މި ވޯކްޝޮޕް ކުރިއަށް ގެންދިއުމަށް ހަމަޖެހިފައިވަނީ 3 ދުވަހުގެ މުއްދަތަށެވެ. ރާއްޖޭގެ ފިލްމީ މަސައްކަތްތަކަށް ބަލާއިރު މި ދާއިރާއިން އެންމެ ބޮޑަށް މަދުވާ އަދި އެންމެ މުހިއްމު އެއް ބަޔަކީ ވެސް ސްކްރީން ރައިޓިން އެވެ.

???? ވާރކްޝޮޕްގައި ބައިވެރިވުމުގެ ފުރުޞަތު!

ސްކްރީން ރައިޓިންގ ވާރކްޝޮޕް

ސުންގަޑި: 13:00 | 22 ނޮވެމްބަރު 2021

އިތުރު ތަފްޞީލު ????https://t.co/Ib4TqxEH5Z

— NCA (@NCA_MDV) November 15, 2021

މި ވޯކްޝޮޕް ގައި ބައިވެރިވުމަށް ޝައުގުވެރިވާ ފަރާތްތަކުން މިމަހުގެ 22 ވަނަ ދުވަހުގެ 13:00 ގެކުރިން އެޕްލިކޭޝަން ހުށަހަޅަން ޖެހެއެވެ.

އަދި މި ވޯކްޝޮޕާއި ގުޅޭގޮތުން މައުލޫމާތު ސާފުކުރުމަށް ބޭނުންވާ ފަރާތްތަކުން  3313456 ނަންބަރަށް ގުޅުމުން އިތުރުމައުލޫމާތު ލިބިގެން ދާނެއެވެ.