ވެބް ސީރީޒްތައް ބެލުންތެރިންގެ މެދުގައި މިވަނީ ވަރަށް ބޮޑަށް ވައިގަ ހިފާފައެވެ. ދިވެހިންގެ މެދުގައިވެސް މިވަނީ މިފަދަ ޑަރާމާތަކަށް ވަރަށް ބޮޑަށް މަގުބޫލު ވެފައެވެ.
ޔޫއްޕެ ޕްރޮޑަކްޝަނާއި ޝައި ޕްރޮޑަކްޝަނުން "އެ ސީރީޒް"ގެ ނަމުގައި ބައިތަކަކަށް ބަހާލައިގެން ގެނެސްދޭ އާ ވެބް ސީރީޒެއްގެ މަސައްކަތް މިވަނީ ފަށާފައެވެ. އެގޮތުން 8 ޗެޕްޓަރަށް ބަހާލައިގެން ގެނެސްދޭ މި ސީރީޒްގެ ފުރަތަމަ ޗެޕްޓަރެއްގެ ގޮތުގައި ގެނެސްދޭން ނިންމާފައި ވަނީ "ބޭބީ" އެވެ.
"ބޭބީ"ގެ ކާސްޓުގައި ހިމެނެނީ ހުނަރުވެރި އެކްޓަރު އިބްރާހިމް ޖިހާދު (ޖިމީ) އާއި ފިލްމީ ދާއިރާއަށް އަލަށް ތައާރަފު ކުރާ އިބްރާހިމް ޔައީޝް އަދި އައިމިނަތު ޝުހާ އެވެ. މީގެ އިތުރުން "ކަރުހަކުރު" ސީރީޒުން މަޤުބޫލުކަން ހޯދި މުޙައްމަދު އަފްރާހުވެސް މުހިންމު ރޯަލަކުން ފެނިގެންދާނެ އެވެ.
މި ސީރީޒްގެ ފުރަތަމަ ބައި "ބޭބީ" ގެ ޓީޒާއެއް އާންމުކުރި ނަމަވެސް ސްޓްރީމް ކުރާނެ ޕްލެޓްފޯމަކާއި ބެލުންތެރިންނަށް ގެނެސްދޭނެ އިރެއް އަދި ހާމައެެއް ނުކުރެއެވެ.
އެ ސީރީޒްގެ ކުރިއަށް ހުރި ބައިތަކުގެ ތެރޭގައި "ފޯން ކޯލް"، "އާޓިސްޓް"، "ސާވަންޓް"، "ޝެޑޯ"، "ބެސްޓްފްރެންޑް" އަދި "ބެލް" ހިމެނެ އެވެ. އަދި ކޮންމެ ބައެއް ވެސް ގާތްގަނޑަކަށް 45-50 މިނިޓްގެ ދިގުމިނަށް ގެނެސްދޭން ވަނީ ނިންމާފައެވެ.
މިއީ ޔޫއްޕެ ލިޔެ، ޑައިރެކްޓްކޮށް ގެނެސްދޭ ވެބް ސިލްސިލާ ޑްރާމާ ތަކެކެވެ.
