ބަރަހަނާ ވީޑިއޯ ހެދިކަމުގެ ތުހުމަތުގައި ގިނަ ދުވަސްތަކެއް ޖަލުގައި ހޭދަކުރުމަށް ފަހު، ބޮލީވުޑްގެ މަޝްހޫރު ބަތަލާ ޝިލްޕާ ޝެއްޓީގެ ފިރިމީ ރާޖް ކުންދުރާ ކަފާލާތުގެ ދަށުން މިނިވަންވީތާ އަދި މާގިނަ ދުވަހެއް ނުވެއެވެ.
މިދިޔަ ޖުލައި މަހު ރާޖް ހައްޔަރު ކުރުމާއި އެކު ގިނަ ބައެއްގެ ފާޑުކިއުން މި އާއިލާއަށް ކުރިމަތިވެ، ގިނަ ކަންތައްތަކަކާ ކުރިމަތި ލާން ޖެހުނެވެ. ރާޖް ދޫކޮށްލިތާ މާގިނަ ދުވަހެއް ނުވެ އަނެއްކާވެސް މި ވަނީ އޭނާ އާއި ޝިލްޕާއާ ދެކޮޅަށް އިތުރު މައްސަލައެއް ހުށައަޅާފައެވެ.
މިފަހަރު ރާޖާއި ޝިލްޕާއާ ދެކޮޅަށް ހުށައަޅާފައިވަނީ މަކަރު ހެދުމުގެ ކުށުގެ މައްސަލައެކެވެ. ޝިލްޕާއާއި ރާޖުގެ އިތުރުން ކަޝިފް ޚާން، ފިޓްނަސް ސްކީމަކަށް ފައިސާ ހަރަދު ކުރުމަށް މީހަކު ގާތު ބުނެ އަދި ލިބޭ ފައިދާއިން ހިއްސާ ދޭނެކަމަށް ބުނެ އޮޅުވާލައި މަކަރު ހަދާފައިވާކަމަށް ވަނީ ފުލުހުންނަށް ހުށަހަޅާފައިވާ މައްސަލާގައި ބުނެފައެވެ. އަދި އޭނާއަށް އެ މުޢާމަލާތުން އެއްވެސް ފައިސާއެއް ނުލިބޭ ކަމަށާއި އެ ފައިސާ ހޯދުމަށް މަސައްކަތް ކުރުމުން އޭނާއަށް ބިރުދައްކާފައިވާ ކަމަށް ބުނެ ވަނީ މައްސަލަ ހުށަހަޅާފައެވެ.
ނަމަވެސް މި ތުހުމަތުތައް ޝިލްޕާ ދޮގުކުރެއެވެ.
— SHILPA SHETTY KUNDRA (@TheShilpaShetty) November 14, 2021
ބަރަހަނާ ވީޑިއޯގެ މައްސަލާގައި ޖުލައި މަހު ރާޖް ހައްޔަރު ކުރުމަށް ފަހު އޭނާ ދޫކޮށްލާފައިވަނީ ސެޕްޓެމްބަރު މަހުއެވެ. މި މުއްދަތުގެ ތެރޭގައި ޝިލްޕާގެ ކެރިއަރަށް ވަނީ ވަރަށް ނޭދެވޭ އަސަރުކޮށްފައެވެ. އަދި އެދެމީހުން ވަކިވުމުގެ ވާހަކަ ތަކެއްވެސް ފެންމަތިވިއެވެ.
ޝިލްޕާގެ އާއިލާއަށް ފަހަރަކު ކަމަކާ ކުރިމަތިވަމުން ދާއިރު ސެޕްޓެމްބަރު މުހުގެ ތެރޭގައި ޝިލްޕާ އާއި އޭނާގެ މަންމަގެ މައްޗަށްވެސް ނުހައްގުން ފައިސާ ހޯދިކަމުގެ މައްސަލައެއް ފުލުހުންނަށް ހުށައަޅާފައި ވެއެވެ.
