ސްކޮޓްލޭންޑްގެ ގްލާސްގޯގައި މިހާރު ކުރިއަށްދާ ދުނިޔޭގެ މޫސުމީ ބަދަލުތަކާއި ބެހޭ އެންމެ ބޮޑު ސަމިޓް ކޮޕް26ގައި އެއްބަސްވި ކަންކަން ވިލަރެސްކުރުމަށް ރާއްޖޭގެ އެންވަޔަރަމަންޓް މިނިސްޓަރ އާއިމިނަތު ޝައުނާ އައްޔަންކުރައްވައިފިއެވެ.
ކޮޕް ސަމިޓްގައި އެއްބަސްވި ކަންކަން ތަންފީޒްކުރުމަށް އެކުލަވާލި މިނިސްޓްރީއަލް މަޝްވަރާތައް ވިލަރެސްކުރުމަށް މިނިސްޓަރ ޝައުނާ އައްޔަންކުރައްވާފައިވަނީ، ކޮޕް26 ސަމިޓުގެ ރައީސް އިނގިރޭސި ވިލާތުގެ އަލޯކް ޝަރްމާއެވެ. މިނިސްޓަރ ޝައުނާއާއި ހަވާލުކޮށްފައިވަނީ ކޮޕް ސަމިޓްގެ އެޖެންޑާއާ އެއްގޮތަށް މިނިސްޓަރުންގެ ފެންވަރުގައި ކުރަން ޖެހޭ މަޝްވަރާތަކުގެ ރިޔާސަތު ބެލެހެއްޓުމަށެވެ. ޝައުނާއާ އެކު މަސައްކަތް ކުރައްވާނީ ސްޕެއިންގެ އިކޮލޮޖޮކަލް ޓްރާންސިޝަން ފޯ ސްޕެއިންގެ މިނިސްޓަރު ތެރީސާ ރިބޭރާއެވެ.
Aminath Shauna, Minister of Environment, Climate Change and Technology, has been appointed by Mr Alok Sharma, the President of the COP 26, to facilitate ministerial negotiations on adaptation under the COP agenda. pic.twitter.com/P9Anb1A1r6
— Mabrook Azeez (@MvSpokesperson) November 9, 2021
މިނިސްޓީރިއަލް މަޝްވަރާތަކުގެ ތެރޭގައި ޕެރިސް އެގްރީމަންޓްގެ ދަށުން ހާސިލްކުރާ އަމާޒު ކަނޑައެޅުމަށްޓަކައި އަމަލުކުރާނެ ގޮތަކާ މެދު އެއްބަސްވުމަކަށް އައުންވެސް ހިމެނެއެވެ.
މިއަހަރުގެ ކޮޕސް ސަމިޓް މިމަހުގެ 12 އާއި ހަމައަށް ކުރިއަށްދާނެއެވެ. މި ސަމިޓްގައި ދުނިޔޭގެ 190އަށް ވުރެ ގިނަ ޤައުމުން ދަނީ ބައިވެރިވަމުންނެވެ. މި ސަމިޓްގައި ރާއްޖޭގެ ރައީސުލްޖުމްހޫރިއްޔާ އިބްރާހީމް މުޙައްމަދު ޝާލިޙްވެސް ވަނީ ބައިވެރިވެވަޑައިގެންފައެވެ.
