ވ. އާރަށުގެ މައްސަލައިގައި ރިޝްވަތު ދިނުމުގެ ދައުވާ ކުރެވިފައިވާ ޔޫސުފް ނައީމްގެ މައްސަލަ އަލުން ބެލުމަށް ކްރިމިނަލް ކޯޓުގައި ބުދަ ދުވަހު އަޑުއެހުމެއް ބާއްވައިފި އެވެ.
މިއީ، ނައީމްގެ މައްޗަށް ކުށް ސާބިތުވެގެން 3 އަހަރާއި 2 މަހާއި 12 ދުވަހުގެ ޖަލު ހުކުމެއް ކްރިމިނަލް ކޯޓުން ކުރުމުން، އެ ހުކުމް ހައިކޯޓުން ބާތިލުކޮށް މައްސަލަ އަލުން ބަލަން އަންގާފައިވާތީ ބޭއްވި އަޑުއެހުމެކެވެ.
ގާޒީ އަލީ ނަދީމް ބައްލަވާ މި މައްސަލައިގެ އަޑުއެހުމުގައި، ހައިކޯޓުގެ ނިންމުމާއެކު މައްސަލަ މިހާރު އޮތް ހިސާބު ދެފަރާތުން ސާފުކުރެއްވި އެވެ. ދައުލަތުގެ ވަކީލު ވިދާޅުވީ، ކުށުގެ އުންސުރުތަކާ ބެހޭގޮތުން ނައީމް ފާހަގަކުރި ކަންކަމާ މެދު ދެފަރާތަށް ބަހުސްކުރުމުގެ ފުރުސަތު ދިނުމަށްފަހު މައްސަލައިގެ ގޮތެއް ނިންމުމަށް ދައުލަތުން އެދޭ ކަމަށެވެ.
އަޑުއެހުމުގައި ނައީމް ވަނީ ވަކީލަކު އައްޔަނުކުރުމުގެ ފުރުސަތަށް އެދިފަ އެވެ. އެގޮތުން ކޯޓުން ވަނީ އޭނާއަށް 10 ދުވަހުގެ މުއްދަތެއް ދީފަ އެވެ. މި މައްސަލައިގެ ދެން އޮންނަ އަޑުއެހުން ބާއްވާނީ އެ މުއްދަތު ހަމަވުމަށްފަހު އެވެ.
ކޮމެންޓު ފޮނުވާ