ޤާނޫނީ ގޮތުން ފުންނާބުއުސް، ތަޖުރިބާކާރު ޤާނޫނީ ވަކީލް މުހައްމަދު ފައިސަލް މޯލްޑިވްސް ނޭޝަނަލް ޕާޓީއާއި ގުޅިވަޑައިގެންފިއެވެ.
ފައިސަލް އެމްއެންޕީއާއި ގުޅި ވަޑަިއގެން ފޯމް ހަވާލު ކުރެއްވީ އެޕާޓީގެ ރައީސް މުހައްމަދު ނާޒިމް އާއިއެވެ. ފައިސަލް އެމްއެންޕީއާއި ގުޅިވަޑައިގަތުމުން އެނާޢަށް ވަނީ އެމްއެންޕީގެ ލީޑަރޝިޕުން ހޫނު މަރުހަބާއެއް ދަންނަވާފައެވެ. އެމްއެންޕީއަކީ ރާއްޖޭގެ މިހާރު އޮތް އެންމެ ހަނގު ސިޔާސީ ޕާޓީއަށް ވީނަމަވެސް ތައުލީމީ ޤާބިލް ބޭފުޅުންނާއި، ޒުވާނުންގެ ތެރެއިން ގިނަ ބަޔަކު ދަނީ އެޕާޓީއާއި ގުޅެމުންނެވެ.
އެމްއެންޕީއާއި ގުޅިވަޑައިގެންނެވި ފައިސަލްއަކީ ރާއްޖޭގައި ފުރަތަމަ އުފެދުނު ބާ ކައުންސިލްގެ އެގްޒެެކެޓިވް ކޮމެޓީގައިވެސް ހިމެނި ވަޑައިގަންނަވާ ބޭފުޅެކެވެ. އޭނާއަކީ ޝަރުއީ ދާއިރާއިން މަތީ ތައުލީމް ހާސިލް ކުރައްވާފައިވާ، އެދާއިރާގެ ތަޖުރިބާހުރި ކުޅަދާނަ ވަކީލެކެވެ.
އެމްއެންޕީން ދަނީ އެޕާޓީގެ މެމްބަރޝިޕް އިތުރު ކުރުމަށް ޚާއްސަ ކެމްޕެއިންތަކެއްވެސް ފަށާފައެވެ. އެގޮތުން މާލޭގައި ޑޯޓުޑޯ ހަރަކާތްތައް ހިންގުމާއި، އަތޮޅު ތެރޭގައިވެސް ދަނީ މެމްބަރޝިޕް އިތުރު ކުރުމުގެ ހަރަކާތްތައް ހިންގަމުންނެވެ. އެމްއެންޕީގެ އަމާޒަކީ މިއަހަރު ނިމުމުގެ ކުރިން 10،000 މެމްބަރުން ހަމަ ކުރުމެވެ. އެޕާޓީއަކީ އިލެކްޝަނުން ޕާޓީއެއް ހެދުމަށް ހުއްދަ ދިންތާ އެންމެ ކުރި މުއްދަތުގައި ޕާޓީއެއް ހަދައި އިލެކްޝަނުގައި ރަޖިސްޓްރީ ޕާޓީވެސް މެއެވެ.
މިހާރު އެޕާޓީގެ ދަތްފަތުގައި މިހާރު 5،000 އަށްވިރެ ގިނަ މެމްބަރުން ތިބިކަމަށް ވަނީ ބުނެފައެވެ.
